बुटवल । उच्च शिक्षा अध्ययनका लागि विदेश जान विद्यार्थीलाई लक्षित गरी बुटवल मिलनचोकमा सञ्चालनमा आएको स्टेलर इन्टरनेशनल एजुकेशन प्रालि बुटवलको औपचारिक उद्घाटन तथा एजुकेशन एक्स्पो सम्पन्न भएको छ ।
प्रालिको उद्घाटन स्टेलर इन्टरनेशनल एजुकेशन तथा आरबीएस इन्टेलेक्ट नेपालका प्रबन्ध निर्देशक सुदिप केसी, न्यूजिल्यान्डका पूर्व–इमिग्रेशन अफिसर जानवी सहस्रबुद्ध, लिन्कन विश्वविद्यालयकी अन्तर्राष्ट्रिय निर्देशक एनी गोह लगायतले गरेका हुन् ।
उद्घाटन पछि आयोेजित एक्स्पोमा करिब डेढसय जना विद्यार्थीले भिजिट गरेका स्टेलर इन्टरनेशनल एजुकेशन प्रालि बुटवलका प्रबन्ध निर्देशक सुर्य रिजालले जानकारी दिए । एक्स्पोमा विद्यार्थीले न्यूजÞिल्यान्ड, बेलायत, अस्ट्रेलिया, क्यानडा,अमेरिका लगायतका देशहरूमा अध्ययन गर्ने अवसरबारे विस्तृत जानकारी प्राप्त गरेका रिजालले बताए ।
उद्घाटनका अवसरमा संस्थाले मार्च ३० देखि अप्रिल ३० तारिखसम्म अफिस भिजिट गर्ने विद्यार्थीलाई तयारी कक्षा शुल्कमा ३३ प्रतिशत छुट दिने घोषणा गरेको छ । प्रालिका प्रबन्ध निर्देशक रिजालले अहिले सिंगो विश्व एउटै गाउं जस्तो भइसकेकाले युवा पुस्ता विदेशका विश्व विद्यालयमा आफूले चाहेको विषय अध्ध्यन गर्न जाने कुरालाई सकारात्मकरुपमा हेर्नुपर्ने बताए ।
