बुटवल । नेपाल पत्रकार महासंघ रुपन्देहीको आयोजनामा एफएनजे मिडिया कप तथा शाइन रेसुङ्गा कर्पाेरेट कप फुटसल प्रतियोगिता २०८१ बुटवलमा सम्पन्न भएको छ ।
दुई दिनसम्म चलेको प्रतियोगितामा मिडिया कपतर्फ विभिन्न मिडिया हाउसहरुको टिमबिच प्रतिस्पर्धा भएको थियो । यसैगरी महिला पत्रकार टिमहरुको पनि सहभागिता रहेको थियो ।
प्रतियोगितामा कर्पाेरेटतर्फ १८ टिम प्रतिस्पर्धा गरेकोमा फाइनलमा नेपाल इञ्जिनियर्स एशोसियनसले शंकरनगर खानेपानी उपभोक्ता संस्थालाई ६–१ ले पराजित गर्दै विजयी भएको छ । विजयी टिमले २५ हजार र उप–विजेता टिमले १५ हजार नगदसहित प्रमाणपत्र, मेडल र ट्रफी प्राप्त गरेको छ ।
एफएनजे मिडिया कपतर्फ ९ वटा टिम प्रतिस्पर्धी रहेकोमा फाइनलमा ग्लोबल आवज र बुद्ध सामुदायिक टेलिभिजनबिच प्रतिस्पर्धा भएको थियो । उक्त प्रतियोगितामा ग्लोबल आवाज डटकम ८–२ गोलले विजयी भएको छ भने बुद्ध सामुदायिक टेलिभिजन उप–विजेता भएको छ ।
विजेता र उप–विजेतालाई बुटवल उप–महानगरपालिका प्रमुख खेलराज पाण्डेले पुरस्कार तथा मेडल प्रदान गरे । महासंघका अध्यक्ष दिनेश पान्डेले आपसी सम्बन्ध प्रगाढ बनाउन प्रतियोगिताले मद्दत पुगेको बताएका थिए ।
