तिलोत्तमा । तिलोत्तमा राइडर्सले निकट भविष्यमा तिलोत्तमामा राष्ट्रियस्तरको साइक्लिङ गर्ने घोषणा गरेको छ ।
हालै गठन भएको संस्थाको पहिलो कार्यसमिति बैठक तथा नयाँ वर्षको शुभकामना आदान–प्रदानमाअध्यक्ष अर्जुन गुरुङले तिलोत्तमालाई राष्ट्रियस्तरमा थप चिनाउन राष्ट्रियस्तरकोसाइक्लिङ गर्ने घोषणा गरेका हुन् ।
अध्यक्ष गुरुङले तिलोत्तमाका १७ वटै वडाका साइकल राइडर्सहरुलाई संस्थामा आबद्ध गराई बलियो र क्रियाशील संस्था बनाउने लक्ष्य रहेको बताए । यस अभियानमा सबैको साथको उनले अपेक्षा गरे ।
सो अवसरमा विभिन्न समयमा देश तथा विदेशमा भएका साईक्लिङ कार्यक्रममा सहभागी राइडर्सहरुलाई सम्मान गरिएको थियो ।
कार्यक्रममा मेची महाकाली साइकलयात्री एच.बी बर्मा र सल्लाहकार सन्तोष के.सी बर्मा, तिलोत्तमा राइडर्सका बरुण ज्ञवाली र सुबास थापालगायतले स्वास्थ्यका लागि साइक्लिङको महत्वबारे चर्चा गर्दै शुभकामना आदान–प्रदान गरेका थिए ।
