गुल्मी । केन्द्रमा नेकपा एमाले र नेपाली काँग्रेस मिले पनि गुल्मीको गुल्मीको मादने गाउँपालिका -६ पुर्कोटदह स्थित पृथ्वी मावि व्यवस्थापन समितिमा यी दुई दल बिच निर्वाचन नै भएको छ । आज सम्पन्न मतगणनामा एक जना बाहेक तिन जना एमाले समर्थक उमेदवारहरु विजयी भएका छन् । पुरुष तर्फ एमाले समर्थक वसन्त कुवर विजयी भएका छन् ।
महिला सदस्यमा दुवै एमाले समर्थक माया बिसी केसी र चित्र कुवर अत्यधिक मतान्तरले विजयी भएका छन् । विजयी कुवरले १०९ मत ल्याएको र उनका निकटतम प्रतिद्वन्द्वी श्रेष्ठ र थापाले १०६ मत प्राप्त गरेको बताइन्छ । निर्वाचन मण्डलले अन्तिम मत परिणाम घोषणा गर्न भने वाकी छ ।
यस्तै पुरुष तर्फ उनी सहित दुई जना आउनु पर्नेमा काङ्ग्रेस बाट विद्रोह गरेर एमालेको समर्थनमा उठेका विकास श्रेष्ठ र कुमार विक्रम थापा बराबरी १०६ मत आएकोले गोला प्रथा हुने कि गर्ने बारे छलफल भई रहेको छ ।
विद्यालयमा स्थानीय काङ्ग्रेस र एमालेको लडाई असार १९ गते निर्वाचन सम्म पुगेको हो । निर्वाचन पछि विद्यालय मै मतगणनाका क्रममा ७६ मत गन्दा विवाद भए मत गन्न सदरमुकाम ल्याइएको थियो । यहाँ लिएर पनि तिन दिन सम्म सहमति नजुटेर सोमबार मत गणना भएको हो ।
