बुटवल । ट्रायम्फ ब्राण्डको बाइकको विक्रि बुटवलबाट शुरु भएको छ । ट्रायम्फ नेपालले शुक्रबार बुटवलको कालिकानगरमा आधिकारिक डिलर बश्याल अटो कर्पको शोरुम उद्घाटनसंगै विक्रि वितरण शुरु गरेको हो ।
शोरुमको उद्घाटन बुटवल उद्योग बाणिज्य संघका अध्यक्ष हरि अर्यालले गरेका हुन् । सो अवसरमा बोल्दै अध्यक्ष अर्यालले लुम्बिनी प्रदेशकै आर्थिक केन्द्र बुटवलबाट विश्वप्रसिद्ध मोटरसाइकल ब्रान्ड ट्रायम्फको डिलर सञ्चालनले मोटरसाइकल पारखीहरुलाई खरिद गर्न सहज हुने बताए ।
ट्रायम्फ नेपालका म्यानेजर सागर थापाले स्क्र्याबलर ४०० एक्स र स्पीड ४०० गरी दुई मोडेलका बाइकहरु इन्जिन, पिकअप र बीएचपीमा अन्य बाइक भन्दा बलिया, उत्कृष्ट इन्जिनियरिङ र सुरक्षित भएको बताए ।
६ गियरसहितको इन्जिन,३७.५ न्युटन मिटर टर्कसहित पिकअप क्षमता र ब्रेक हर्स पावर ३९ रहेकाले जस्तोसुकै सडकमा सहजरुपमा चलाउन सकिने थापाले बताए । बाइकमा इमोबिलाइजर यन्त्र जडान भएकाले कसैले चोरेर लैजान नसक्ने थापाले बताए । स्क्र्याबलर ४०० एक्सको सिट हाइट ८३५ एमएम र स्पीड ४०० को सिट हाइट ७९० एमएम रहेको उनले बताए । दुबै मोडेलका बाइकमा १३ लिटर पेट्रोल ट्यांकी रहेका छन् । स्क्र्याबलर ४०० एक्स चार रंगमा र स्पीड ४०० तीन रंगमा उपलब्ध रहेका छन् । शो रुम उद्घाटनको पहिलो दिनमै १५ वटा मोटरसाइकल विक्रि भई डेलिभरी भएसँगै स्थानीय ग्राहकको अत्यधिक उत्साह झल्किएको बश्याल अटोकोर्पका सञ्चालक आकर्षक बश्यालले बताए ।
पहिलो दिनमै बाइक राइडरहरूले ट्रायम्फ बाइकलाई अत्यधीक रुचाएर सकारात्मक प्रतिक्रिया दिएपछि आफूहरु उत्साहित भएको उनले बताए ।
शोरुममा दक्ष जनशक्तिसहित सेल्स, सर्भिस र स्पेयर पाट्र्सको सहज उपलब्धताले अन्तर्राष्ट्रिय स्तरको सेवा सुविधा महसुस हुने उनले बताए । शोरुम उद्घाटनमा बश्याल अटो कर्पका अध्यक्ष गोपाल बस्याल,पत्रकार महासंघ रुपन्देहीका अध्यक्ष दिनेश पाण्डेले बोल्दै विश्व प्रसिद्ध ब्राण्डको शोरुम बुटवलमा सञ्चालनमा आउनुले यहांको अर्थतन्त्रमा सकारात्मक प्रभाव पार्ने बताए । बेलायतबाट शुरु भएको ट्रायम्फ बाइक पछिल्लो समय भारतबाट उत्पादन र पश्चिम नवलपरासीको भूमहीमा एसेम्बल भइरहेको छ ।
