बुटवल । मानव स्वास्थ्यको क्षेत्रमा २०५२ सालमा स्थापना भएदेखि कृयाशिल रहेको नागार्जुन डेभलपमेन्ट कम्युनिटी एनडिसिले आफ्ना गतिविधि लुम्बिनी प्रदेशमा कृयाशिल बनेको छ।
सोही अवसरमा बुटवलमा तीन दिनसम्म सञ्चालन भएको एचआइभी परीक्षण तालिम समापन भएको छ । आप्रवासी तथा उनीहरूको दम्पतिका लागि सञ्चालित एचआइभी रोकथाम कार्यक्रम अन्तर्गत आउटरिज वर्कर र कम्युनिटी वर्करका लागि तीन दिने समुदायको नेतृत्वमा एचआइभी परीक्षण तालिम बुटवलमा भएको थियो ।
नागार्जुन डेभलपमेन्ट कम्युनिटी एनडिसिको आयोजना लुम्बिनी प्रदेश सरकार स्वास्थ्य मन्त्रालय प्रदेश जनस्वास्थ्य प्रयोगशालाको समन्वय र जि एफ ए टि एमको सहयोगमा उक्त ३ दिने तालिम आयोजना गरिएको एनडिसीका कार्यकारी निर्देशक जगदीश चन्द्र भट्टले जानकारी दिए ।
उनले लुम्बिनी प्रदेशका तराइका छ जिल्लाहरु रुपन्देही, बाँके, बर्दिया, कपिलबस्तु, दाङ र परासीमा कार्यक्षेत्र रहेको बताउँदै उनले तालिममा २२ जना सहभागी रहेको बताए ।
प्रवासी कामदार र उनीहरूका दम्पतिका लागि एचआइभी रोकथामको कार्यक्रम लामो समयदेखि गर्दै आएको र आगामी दिनमा लुम्बिनी प्रदेशमा थप कार्यक्रम गरिने उल्लेख गरे।
समापन समारोहमा जि एफ ए टि एमका अनुगमन तथा मुल्यांकन व्यवस्थापपक खेमराज चौधरी, कार्यक्रम संयोजक बिर बहादुर पुन, एनडिसि रुपन्देही कार्यक्रम अधिकृत राधा अधिकारी भट्टराई लगायतले बोलेका थिए ।
तीन दिने तालिममा जनस्वास्थ्य प्रयोगशाला लुम्बिनी प्रदेशका ल्याब टेक्निसियनहरु सुमन सापकोटा कल्पना घिमिरे र शिवेन्द्र सिंह चौधरी प्रशिक्षकको भूमिकामा रहेका थिए ।
सो अवसरमा छ वटै जिल्लाका कार्यक्रम अधिकृतहरुको सहभागिता रहेको थियो ।
