सन् १४९२ सम्म गुमनाम रहेको अमेरिका सन् १४९२ मा फ्रिस्टोफर कोलवसले विश्व मञ्चमा सार्वजनिक गरेका हुन् । यसपछि युएसए (अमेरिका) सन् १७७९ सम्म त जीवी (ग्रेटब्रिटेन) को गुलाम अर्थात् उपनिवेश रहयो । त्यही गुलाम देशभित्र रहेको अथाह प्राकृतिक साधन स्रोतलाई समुचित परिचालन गरेर मात्र होइन त्यहाँ रहेका काला जाति (निग्रोहरु)को श्रमशोषण गरेर ऊ धनी बन्दै गयो । देश मात्र धनी बनेन केही मुठ्ठीभरका पुराना सामन्तहरु पुँजीपति बने र उनीहरुले मजदूरहरुको गर्नुसम्म शोषण गरे ।
हिजो बेलायतको गुलाम त्यही देशले आफ्ना देशका श्रमिक जनतालाई मात्र होइन, उत्पादित माल सामानको (तयारी) माल सामान लिएर आफ्नो पुरानो शोषक मालिक बेलायतको सिको गरेर विश्व बजारमा निस्क्यो ।
पुँजीवादी प्रतिस्पर्धामा पुँजीवादी देशहरु बेलायत, फ्रान्स, जर्मनी, जापान सबैलाई उछिनेर उसले विश्व बजारमा एकाधिकार÷ साम्राज्य कायम ग¥यो ।
एसियाको सबैभन्दा धनी देश औद्योगिक देश वा एसियाको बेलायत भनेर चिनिने देश जापानमा लिटिल व्वाइ र फयाट मेन नामका हाइड्रोजन बम प्रहार गरेर ती भूभागलाई मरुभूमिकरण ग¥यो । यसरी अघि बढिरहेको अमेरिकासँग प्रतिस्पर्धा गर्न रुस र पूर्वी युरोपका देशहरु अस्तित्वमा आए ।
रुसले १९१७-२२ अप्रिलमा समाजवादी क्रान्ति गरेर १५ देशहरुको समाजवादी क्याम्प सोभियत संघ निर्माण ग¥यो । यसरी युद्धहरु अघि बढ्ने क्रममा विश्वमा आतंकको सन्त्रास फैलियो ।
यसै क्रममा रुसले आफ्नै बल र बुतामा अन्तरिक्षा लाइका नामक कुुकुर पठाएर कमाल ग¥यो । पछि त वैज्ञानिक युरि गागरिन अन्तरिक्षमा पठाएर सुरक्षित तरिकाले अवतरण गराउन सफल भयो ।
पुँजीवादी क्याम्पको नेतृत्व अमेरिकाले र समाजवादी क्याम्पको नेतृत्व रुसले गर्दै अघि बढ्ने क्रम जारी रह्यो ।
स्मरण रहोस् सन् १९४९ मा माओको नेतत्वमा चीनमा जनवादी क्रान्ति सम्पन्न भयो । यसरी नै पुँजीवादी क्याम्पतिर रहे पनि विश्वमा फ्रान्सले प्रजातान्त्रिक क्रान्ति सम्पन्न गरेर विश्वलाई देखाइसकेको थियो ।
सन् १८४८ मा कालमाक्र्स र एंगेल्सको सहप्रयासबाट माक्र्सवादी दर्शन सार्वजनिक भएपछि पुँजीवादीहरु एकातर्फ संगठित हुन थालेका हुन् भने अर्काेतर्फ समाजवादीहरु पनि संगठिन हुन थालेका हुन् ।
समाजवादीहरु वैचारिक रुपमा मात्र संगठित हुन सके भने पुँजीवादीहरु त संरचनात्मक रुपमै संगठित भए ।
पूँजीवादीहरु संगठनमा दिगो छन् । तर समाजवादीहरु छैनन् ।
जे होस् यसै क्रममा कोरिया, भियतनाम र पूर्वी युरोपमा समाजवादी क्रान्ति सम्पन्न भए । तर शान्ति प्रजातन्त्र र मानव अधिकारको वहालीको नाममा कोरियालाई र भियतनामलाई पुँजीवादीहरुले विभाजन गरे । काका हुको नेतृत्वमा भियतनामी वीरहरुले धेरै वर्ष लडेर आफ्नो देशलाई एकीकरण गरिछाडे भने उत्तर कोरिया र दक्षिण कोरिया एकीकरण हुन बाँकी नै छ ।
चीनको जनवादी क्रान्तिको अवधिमा साम्राज्यवादीहरुको मतियार बनेको च्याङकाइशेक मूलभूमि चीनबाट भागेर चीनकै सार्वभौम भूमि ताइवन टापुमा गई बसोबास ग¥यो ।
जनवादी चीनको अभिन्न अंग ताइवान हो भनेर अमेरिका लगायत पुँजीवादी दुष्टहरुले स्वीकारे पनि चीनबाट ताइवानलाई अलग गराउने दाउ हेरिरहेका छन् । यस्तै अफ्रिकी मुलुक निकारगुवालाई अस्तव्यस्त गराए । कर्णेल गफीलाई सत्ताच्यूत गरिछाडे ।
इराकले परमाणु बम बनाएको छ भन्ने आरोप लगाएर इराकको अनुगमन गरे, परमाणु शस्त्र छैन भनी संयुक्त राष्ट्र संघलाई प्रतिवेदन पेश गरे पनि इराकका आक्रमण गरी निर्दाेष राष्ट्रपति सद्दाम हुसेनको ज्यान लिए ।
आफ्नो हित भलो र सुरक्षाका लागि ओसामा विनलादेनलाई अमेरिकाले हुर्कायो बढायो । पछि आतंककारी करार गरी ओसामा विनलादेनको ज्यान लियो ।
विश्वभर छरिएर रहेका यहुदीहरुलाई पश्चिम युरोप समेत पुँजीवादी राष्ट्र र अमेरिकाले स्वतन्त्र सार्वभौम प्यालेस्टाइन भूमि–राष्ट्रमा लगी बसोबास गराए । सन् १९४६–४८ मा प्यालेस्टाइन भूमिमा इजरायल राष्ट्र र राज्यको जन्म दिए । तदुपरान्त प्यालेस्टाइनी मुस्लिमहरुलाई भुट्न अमेरिका र पश्चिम युरोपेली राष्ट्रले इजरायललाई अस्त्रशस्त्र साधन स्रोत उपलब्ध गराएर एक लाख होइन दुई लाख होइन लाखौं प्यालेस्टाइनहरुको हत्या गरिरहेका छन् र अमेरिका र पश्चिममा पुँजीवादीहरु सिधै हत्यारा अपराधी हुन् तर उल्टै प्रचार गरिरहेका छन् । उग्रवादी प्यालेस्टाइनी भनेर प्रचार गरिरहेका छन् । देशविहीन भएपछि स्वराज्यको लागि लड्नु कहाँको उग्रवाद हो ? हमाज सरकारका नेताहरु कसरी उग्रवादी हुन् ? अहिले उग्रवादी हमाजका फलानाको हत्या भयो । पनि यति जना प्यालेस्टाइनी मारिए भनेर दुःखद खबर सुन्न परिरहेको छ ।
डेढ दुई हप्ता भयो । इजरायलले दुई हजार किलोमिटर टाढा रहेको इरानमाथि मिसाइल प्रहार ग¥यो । यो युद्धमा निरापराधी एवम् निर्दाेष इरानको पक्षपोषण गर्नुको सट्टा विश्वमै आफूलाई ठूल्दाइ ठान्ने अमेरिकाले इरानले युद्ध नरोके आक्रमण गर्ने चेतावनी मात्र दिएन अमेरिका स्वयं आक्रमणमा उत्रियो । निर्दाेष इरान पनि कति सहेर बस्ने भनेर युद्धलाई जारी राख्यो । इरानले पनि इजरायलतिर बम प्रहार गरिरह्यो । इजरायलको निश्चित हार हुने भएपछि अमेरिका फेरि नाटे फुर्के बनेर दुवै देशले युद्ध रोक, युद्ध गर्नु हुँदैन भनेर आफ्नो बागो मुखले भन्यो । दुवै देशको युद्ध रोकेको नाटक ग¥यो ।
संसारभरि अमेरिकी नेतृत्वको पुँजीवादी क्याम्पले मानव अधिकार, प्रजातन्त्र र शान्ति र विकासको नारा लगाएर हत्या गरिरहेको छ ।
यसबाट प्रष्ट हुन्छ–अमेरिका यससित सम्बद्ध राष्ट्रहरु सारतःआतंककारी हुन्, हत्यारा हुन्, प्रजातन्त्र विरोधी हुन्, शान्ति विरोधी हुन् । मानवधिकार विरोधी हुन् । विश्व जनमतले यो कुरा बुझिरहेको छ । तर बम र मिसाइलले बोल्ने पुँजीवादी क्याम्पलाई सटीक जवाफ कसरी दिने ? कसले दिने ? बम र मिसाइल प्रयोग गर्न थाले शान्तिवादीलाई पुनः आतंककारीकै दर्जा नि दिइने छ । यो ठूलो मनोवैज्ञानिक समस्या र चुनौती हो ।
अन्ततः यस्ता आतंककारी राष्ट्रहरुले विकास, शान्ति, प्रजातन्त्र र मानवअधिकार सुदृढीकरणको नाममा उपलब्धि गराउने कुनै पनि अनुदान वा ऋण बहिष्कार गर्न जरुरी छ ।
