बुटवल । पुर्व पश्चिम राजमार्ग अन्तर्गत दाउन्नेको खुर्सानी खोलामा सडक भांसिदा बर्दघाट–दुम्किबास खण्डमा यातायात अवरुद्ध भएको छ ।
भारी वर्षापछि खुर्सानी खोला नजिक सडक भासिएसंगै सोही ठाउंमा लु १ क ५८२७ नम्बरको ट्रक फसेपछि उक्त खण्डमा रातिदेखि नै यातायात पूर्णरुपमा बन्द भएको हो ।
जिल्ला प्रहरी कार्यालय पश्चिम नवलपरासीका स्रचना अधिकारी डीएसपी बीरदत्त पन्तका अनुसार सडक अवरुद्ध भएपछि पुर्वतर्फ जाने सवारी साधनहरुलाई बर्दघाटको टिसिएनचोकमा र पुर्वबाट आएका सवारी साधनहरु दुम्किबासतर्फ रोकिएका छन् ।
सडक खुलाउने प्रयास भएपनि वर्षाका कारण केही घण्टा लाग्ने डीएसपी पन्तले बताए । खुर्सानी खोलामा पटक पटक सडक भांसिदा सडक अवरुद्ध हुंदै आएको थियो ।
नारायणगढ–बुटवल सडक विस्तारको काम भइरहेपनि दाउन्ने खण्डको १४ किलोमिटर सडकको काम ढिला हुंदा बारम्बार सडक अवरुद्ध हुने गरेको छ ।
