परासी । पश्चिम नवलपरासीको सरावल गाउँपालिकाले आर्थिक वर्ष २०८१/८२ को स्वीकृत वार्षिक बजेट अनुसारको निर्धारित कार्यक्रम र योजनाहरू सफलतापूर्वक कार्यान्वयन गर्दै समग्रमा ८४.९४ प्रतिशत खर्च प्रगति हासिल गरेको छ। गाउँपालिकाको अनुसार चालुतर्फ ८९.५० प्रतिशत र पूँजीगततर्फ ७६.४१ प्रतिशत खर्च प्रगति भएको हो। यो वित्तीय प्रगति समयमै आर्थिक कारोबारको भुक्तानी सम्पन्न गर्दै लक्षित बजेट कार्यान्वयन गर्न सफल भएको हो।
सरावल गाउँपालिकाका अध्यक्ष सुखाडी प्रसाद चौधरीले , “हामीले गाउँपालिकाको बजेटलाई जिम्मेवारीपूर्ण ढंगले प्रयोग गर्दै आर्थिक प्रगति हासिल गरेका छौं। यो सफलता हामी सबैको साझा प्रयासको परिणाम हो ; चाैधरीले भने ।गाउँको समृद्धि र विकासका लागि हामी निरन्तर प्रतिबद्ध छौं, र आगामी वर्षहरूमा अझै प्रभावकारी योजनाहरू लागू गर्नेछौं ।
प्रमुख प्रशासकीय अधिकृत विशाल मिश्राले आगामी आर्थिक वर्ष २०८२/८३ मा समेत यस्तै सहभागिता र सहयोगको अपेक्षा व्यक्त गर्दै गाउँपालिकालाई अझ प्रभावकारी, उत्तरदायी र जनमुखी बनाउन सबैको सहकार्य आवश्यक रहेको बताए। गाउँपालिकाले बजेटको तर्जुमा, कार्यान्वयन र अनुगमन–मूल्यांकनमा साथ दिने गाउँपालिका अध्यक्ष, उपाध्यक्ष, सम्पूर्ण जनप्रतिनिधि, राष्ट्रसेवक कर्मचारी, उपभोक्ता समितिहरू, निर्माण व्यवसायी, विकास साझेदार, सञ्चारकर्मी, नागरिक समाज र सम्पूर्ण सरावलवासीप्रति आभार व्यक्त गरेको छ।
