आर्थिक लेनदेन गरी नक्कली कागजात तयार गरी विभिन्न संस्थाहरुले भिजिट भिसामा केही व्यक्तिहरुलाई स्पेन पु¥याएको विषय छानबिन गर्न प्रहरीको केन्द्रीय अनुसन्धान ब्यूरोका एसएसपीको नेतृत्वमा टोली गठन गरिएको छ । दुवई भिजिट भिसा प्रकरण सेलाउन नपाउँदै स्पेनको विषयले सदनदेखि सडकसम्म चर्को रूप लिएपछि छानबिनका लागिप्रहरी टोली गठन गरिनु सकारात्मक छ ।
प्रधानमन्त्री केपी ओली राष्ट्र संघीय एउटा कार्यक्रममा भाग लिन असार १४ गते स्पेन पुगे । उनी त्यहाँबाट असार २० गते स्वदेश फर्के । प्रधानमन्त्री स्वदेश नआइपुग्दै उनीसगैं भिजिट भिसामा स्पेन पुगेको समाचारहरु आए । ती समाचार सत्य र तथ्य भन्दा अतिरञ्जित र अर्नगल थिए भन्ने प्रधानमन्त्री कार्यालयले जारी गरेको विज्ञप्तिले पुष्टि गरेको छ । प्रधानमन्त्रीको टोलीमा स्पेन पुगेका १९ जना नै स्वेदश आइपुगेको र पहिले त्यहाँ पुगेका खानेपानीमन्त्री प्रदीप यादव सहित तीन सहित २२ जना आएको सार्वजनिक भइसकेको छ । प्रधानमन्त्री कार्यालयको विज्ञप्तिलाई खण्डन गर्ने कुनै आधार छैन् ।
प्रधानमन्त्री गएको कार्यक्रममा सहभागी गराउने गरी कागजात तयार गरी अन्य कतिपय व्यक्तिलाई स्पेन पु¥याइएको तर त्यो कार्यक्रममा सहभागी नभएको विषय सार्वजनिक भएको छ, यो विषयको गंभीर छानबिन गर्न आवश्यक किन पनि छ भने प्रधानमन्त्रीले नै स्पेन लगेर छाडेको झैं प्रचार गरिएको छ, संसदमा कतिपय सांसदले प्रधानमन्त्रीलाई लान्छनायुक्त धारणा राख्दा देशकै साख गिर्छ भन्ने हेक्का राखेनन् । प्रधानमन्त्री केपी ओली एउटा व्यक्ति नै देशको प्रधानमन्त्री भएकाले उनीसँग जोडिने विषय देशको प्रतिष्ठा र साखसँग जोडिने विषय हो । स्पेन भिजिट भिसा प्रकरणमा प्रधानमन्त्रीलाई घुमाईफिराई जोडेर देशलाई नै बदनाम गर्न खोजिएकोले पनि प्रहरी अनुसन्धानले केस्रा केस्रा केलाउनुपर्छ ।
स्पेन भिजिट भिसा प्रकरणले धेरै विषय बाहिर ल्याउन सक्छ । अहिले तत्काल स्पेन पुगेका व्यक्ति र त्यहाँ पु¥याउने गैरसरकारी संस्थाबारे तथ्य पत्ता लाग्न सक्छ । त्यसैगरी यस अघि पनि भिजिट भिसामा युरोपका विभिन्न मुलुक पु¥याइने गरेको भन्ने विषय बारे पनि सत्य तथ्य प्रहरीले थाहा पाउन सक्छ ।
प्रहरी अनुसन्धानले नक्कली भुटानी शरणार्थी प्रकरणको सफल अनुसन्धान गर्न सफल भयो । भिजिट भिसा प्रकरणले देशकै बदनामी भइरहेकोले यसको जालो तोड्ने अवसर हो ।
नेपालको अध्यागमन प्रणालीको त्रुटि र कर्मचारीको बदनियतले समस्याको चाङ बढिरहेको बेला त्यसलाई व्यापक सुधारको जति खाँचो छ, नागरिकलाई विभिन्न बहानामा विदेश पु¥याउने सञ्जाल तोड्न सक्दा संगठित अपराजको जालो तोडिन सक्छ । प्रहरी अनुसन्धानलाई सघाएर सत्य तथ्य बाहिर ल्याउन र दोषीलाई कारबाहीको दायरामा ल्याउन सघाउनुपर्छ ।
