भैरहवा । नेपाल नेत्र ज्योति संघ लुम्बिनी नेत्र विज्ञान अध्ययन संस्थान तथा रिसर्च सेन्टर श्री रण अम्बिका आखाँ अस्पतालको नेत्र सहायकक परिवारको अध्यक्षमा अमोद मिश्रा निर्वाचित भएका छन । परिवारको आठौँ एकाई समिति अधिवेशनबाट मिश्रा सहित ७ सदस्य समिति गठन भएको हो । सदस्यहरुमा मुकेश कुमार सिंह, नेत्र बहादुर मगर, सुदिप कोइराला, रवि थापा, रोहित यादव, विशालमणी त्रिपाठी निर्वाचित भएसँगै सदस्यहरुबाट वोर्ड बैठकले पदाधिकारी चयन गर्ने छ ।
परिवारको आठौँ एकाई अधिवेशन कार्यक्रममा बोल्दै प्रमुख अतिथि अस्पताल व्यवस्थापन समितिका अध्यक्ष सागर प्रताप राणाले आखाको क्षेत्रमा २०२४÷२५ वर्षबाट सुरुवात गरि सिता पुर जाने परम्परा विस्तारै रोक्न सकेको बताए । अन्दोपन निवारण अस्पतालले ठूलो काम गर्दे आएकोमा यसमा नेत्र सहायकहरुको योग्दान महत्वपूर्ण रहेको बताए । उनले पहिला तालिमबाट दक्ष जनशक्ति उतपादन हुदै आएकोमा अहिले थप एकेडमिक तरिकाले जनशक्ति उत्पादन वर्षेनी हुदै आएकोले दीर्घकालिन सोच राखेर काम गर्न सबैलाई आग्रह गरे । यसमा भविष्य छ र भविष्यलाई देखेर नै ठूलो उपलब्धि हासिल भएकोले सबैले यसबारे सोच्न जरुरी रहेको बताए । संस्थागतहित र विकासमा लागे कसैल बाटो रोक्न नसक्ने बताउदै परिवारको साथ अस्पताल सधैव रहेको र रहने बताउदै संस्थाको फाइदा हुनासाथ कर्मचारीहरुकै फाइदा हुने बताए ।
अस्पतालकी मेडिकल डाइरेक्टर सुशिला पटेलले विना नेत्र सहायक अस्पतालको विकास सम्भव नभएकोले समुहिक प्रयासले नै यो अस्पताल यहाँसम्म पुगेको बताइन । संस्थाको विकासका लागि सबैले टिमवर्क भएर अगाडि बढ्न आग्रह गरिन ।
परिवारका पूर्व उपाध्यक्ष हिरा शाहले अस्पतालको व्यवस्थापन र कर्मचारीहरुको समन्वय भए सेवा राम्रो हुने बताउदै उच्चस्तरीय सेवाका लागि परिवारले ठूलो योग्दान गरेको बताए । संस्था रहयो भने नेत्र सहायक रहने बताउदै सेवामा हुदा सम्म मात्र नभई नहुदा हुने अवस्थाको बारेमा सबैले चिन्तन गरि अगाडि बढ्न आग्रह गरे । अहिले जनशक्ति बढि उत्पादन भयो भनेर रोजगारीको चुनौति रहेकोले यस्को विषयमा परिवारले पनि भविष्यमा कसरी जाने भन्ने बारे योजना बनाउनु पर्ने बताए ।
परिवारको केन्द्रिय सचिव सन्तोष घिमिरे, अस्पतालका व्यवस्थापक प्रकाश रायमाझी, सल्लाहकार मोहम्मद समिम अख्तर खाँ लगायतले पेशागत हकहीत, गुणस्तरीय सेवा र अस्पतालको विकासका लागि यो परिवारको ठूलो योगदान रहेको बताए ।
एकाई परिवारका अध्यक्ष अमर गौतमले परिवारले वर्षभरि गरेको प्रगति र कार्यक्रमहरुको बारेमा जानकारी गराएका थिए । पेशागत संरक्षणका लागि स्थापित यो परिवार साझा संस्थाको रुपमा रहेको छ । परिवारकै सक्रियताले व्यवसायिक संस्थामा ठूलो उपलब्धि हासिल भएको र यो निरन्तर फड्को मार्दै जाने विश्वास व्यक्त गरे । आखाँको क्षेत्रमा नेत्र सहायक एउटा मेरुदण्डको रुपमा रहेको छ ।
परिवार गठन हुनु अगाडि देखि नै अस्पतालले तालिम मार्फत जनशक्ति उत्पादन गर्दै आएको थियो भने हाल २०६७ सालदेखि शैक्षिक रुपमा पनि जनशक्ति उत्पादन गर्दै आएको छ । १२ वटा व्याच जनशक्ति उत्पादन भइसकेका छन भने ३ वटा रनिङ र एक वटा भर्नाको क्रममा रहेको छ । जनशक्ति उत्पादन मात्रै नभई रोजगार सृजना र अवसरको क्षेत्रमा पनि परिवारले काम गर्नुपर्ने आवश्यकता रहेको बताए ।
परिवारले आठौँ एकाई समिति अधिवेशनको अवसरमा पहिलो पटक नेत्र सहायक परिवारको मुखपत्र नयनको समेत विमोचन गरेको छ ।
