बुटवल । सैनामैना हेल्थ सेन्टर बुटवल ६ रुपन्देहीको ९ औं वार्षिककोउत्सव सम्पन् भएको छ । संस्थाका अध्यक्ष लक्ष्मी न्यौपानेको अध्यक्षता तथा मायादेबी कलेजका प्रिन्सीपल शिक्षक नवीन शर्माको प्रमुख आतिथ्यतामा कार्यक्रम भएको हो ।
औषधी व्यवसायी, चिकित्सक, कर्मचारी लगायत सहभागी कार्यक्रममा बोल्दै शिक्षक शर्माले स्वदेशमानै केही गर्दै आफु सहित अन्यलाई पनि रोजगारी दिएकोमा आफ्ना बिद्यार्थी समेत रहेका संस्थाका सञ्चालक बिष्णु जिसीलाई शुभकामना ब्यक्त गरे । उनले अझै सेवा बिस्तार गर्दै थप जनशक्तिलाई रोजगारीमा जोड्न सुझाब दिए ।
औषधी व्यवसायीका प्रदेश अध्यक्ष लुकराज न्यौपानेले औषधिको व्यवसायमा गल्ती कुनैपनि हालतमा मान्य नहुने भएकोले व्यवसायी निकै चनाखो भएर काम गर्नुपर्ने बताए । उनले सैनामैना ग्रुपले गरेको मेहनलको कदर गर्दै अझै सफलताको शुभकामना ब्यक्त गरे ।
कार्यक्रममा संस्थाका कानुनी सल्लाहकार अधिवक्ता नवराज अधिकारी, आर्थिक सल्लाहकार सीए छवि पोखरेल, विशेष सल्लाहकार गोकर्ण पाण्डे, व्यावसायिक सल्लाहकार एकादेव बस्याल लगायतले बोल्दै उतारचढाब आएपनि निरन्तरताले सफलताउन्मुख गराएको बताए ।
संस्थाका सञ्चालक बिष्णु जिसीले अहिले पनि प्रत्यक्ष अप्रत्यक्ष ५० जना हाराहारीलाई रोजगारी प्रदान गर्न सकिएको बताउँदै कहिँ नपाएको औषधी सैनामैनामा पाईन्छ भन्ने वातावरण बनिरहेको दाबी गरे ।
सो अवसरमा उत्कृष्ट कर्मचारीको रुपमा राजु पौडेललाइ यमहाको स्कुटर सहित पुरस्कृत भएका छन् भने उत्कृष्टः–फार्मेसी ईन्चार्जको रुपमा लक्ष्मी भण्डारीलाइ हिमस्टार टिभिबाट पुरस्कृत भएकी छ ।
“भरपर्दो औषधि विशेषज्ञ सम्मानबाट अनमोल श्रेष्ठ, उत्कृष्ट समयपालक बिष्णु भुसाल, वित्तीय अनुशासनमा उत्कृष्टता पुरस्कारबाट कुशुम न्यौपाने तथा जेहेन्दार कर्मचारीबाट पुरन थारु र अमन थापालाइ सम्मान गरिएको थियो भने सम्पूर्ण कर्मचारीहरुलाइ मायाको चिनो प्रदान गरिएको थियो ।
