बुटवल। इनरह्वील क्लब अफ बुटवलले “क्यान्सर जनस्वास्थ्य सचेतना कार्यक्रम” सफलतापूर्वक सम्पन्न गरेको छ।
कार्यक्रम भारतको दिल्लीस्थित एम्स हस्पिटलबाट आएका वरिष्ठ क्यान्सर विशेषज्ञ डा. अन्सुमन कुमारको प्रमुख आतिथ्यमा सम्पन्न भएकाे थियाे ।
साे अवसरमा डा अन्सुमनले क्यान्सरकाे जाेखिम, यसका मुख्य लक्षणहरु तथा यसकाे प्रारम्भिक उपचार तथा प्रारम्भकाे जानकारी लगायतकाे बारेमा बताएका थिए ।
कार्यक्रममा सुद्धोधन गाउँपालिकाका अध्यक्ष विष्णु प्रसाद बस्यालले क्यान्सरले ज्यान नै लिने भएकाेले साेही याे लाग्नै नदिन् र लागिहाले पनि लक्षण देखिँदासाथ उपचार गराउन आग्रह गरे ।
साे अवसरमा ब्रह्मकुमारी विश्व विद्यालयका योगाचार्य राम कुमार, स्मार्ट ग्लोबल हेल्थ केयर सेन्टरका सल्लाहकार अनुज गुप्ता, पूर्व अध्यक्ष यमुना श्रेष्ठ लगायतले बाेलेका थिए ।
कार्यक्रम क्लबकी अध्यक्ष श्रीमती बुलबुल श्रेष्ठले महिलाहरुमा क्यान्सरकाे जाेखिम तुलनात्मक रुपमा बढि हुने भएकाे निकै फाइदाजनक विषय भएकाेले याे कार्यक्रम आयाेजना गरिएकाे बताइन् ।
कार्यक्रमका संयोजक क्लबका पूर्व अध्यक्ष पुस्पा कसौधन रहेकी थिइन भने सह–संयोजकको भूमिका मीरा ओझाले निर्वाह गरेकि थिइन । कार्यक्रममा क्लबका पूर्व अध्यक्षहरू, सल्लाहकारहरू, बोर्ड सदस्यहरू, साधारण सदस्यहरूको उल्लेखनीय उपस्थिति रहेको क्लब सचिव गंगा श्रेष्ठले जानकारी दिइन।
