भैरहवा । लुम्बिनी शिक्षा निकेतनले एसईई परिक्षामा उत्तीणर् विद्यार्थीहरुलाई सम्मान गरेको छ । रुपन्देहीको मायादेवी ४ मा अवस्थित विद्यालयले एक कार्यक्रमका बिच विद्यार्थीहरुलाई सम्मान गरेको हो ।
सम्मान कार्यक्रममा बोल्दै प्रमुख अतिथी लुम्बिनी प्रेस क्लबका अध्यक्ष सम्झना शर्माले विद्यार्थीहरुलाई कक्षा ११ पढ्नका लागि टाढा नजान आग्रह गरिन । अहिले सम्म अभिभावकको छायमा रहेर पढे जस्तै अबको कक्षा १२ बिद्यालय शिक्षानै भएकोले २ वर्ष माध्यमिक शिक्षा सम्म अभिभावककौ नजरमा रहेर पढ्नु पर्ने बताइन । उनले असल व्यक्ति र नागरिक बन्न कसरी सकिन्छ अबको ध्यान त्यस तर्फ दिनुपर्ने बताउदै आफ्नो क्षमता अनुसार काम गरेर लक्ष्यमा सजिलै पुग्न सकिने बताइन ।
सो अवसरमा बोल्दै विशिष्टि अतिथी विद्यालयका अध्यक्ष गोविन्द ज्ञवालीले विद्यालयले लुम्बिनी र मायादेवी क्षेत्रबाट उत्कृष्ट नतिजा ल्याएको बताए । विद्यार्थीको लगनशील,शिक्षक र विद्यालयको अथक प्रयासले नतिजा राम्रो आएपनि अब विद्यार्थीहरुले अनुशासनमा रही सिकेकका कुरा बाहिर देखाउनु पर्ने जरुरी रहेको बताए ।
एसईई पश्चात् करियरको शुरुआत हुने भएकोले विषय छान्दा साथिभाईहरुको लहलहै भन्दा पनि स्वबिबेक, क्षमता र आफ्नो रुचि अनुसार अध्ययन गर्र्नुपर्ने सुझाव दिए ।
विद्यालयका संचालक शक्तिधर यादवले शिक्षक,अभिभावक र विद्यार्थी त्रिपक्षले गरेको मिहेनतको कारण उत्कृष्ट नतिजा आएको बताउदै एसईई शिक्षाको जगभएकोले विद्यालर्थीहरुमा नयाँ चुनौतीहरु थपिदै जाने बताए ।
उपस्थित शिक्षक, अभिभावक, अतिथीहरुले सम्पूणर्लाई बधाई दिदै बिगतदेखि नै उत्कृष्ट नतिजा ल्याउन सफल यस स्कुललाई आगामी दिनमा अझै उत्कृष्ट हुन शुभकामना सहित विद्यार्थीहरुलाई उज्जवल भविष्यको शुभकामना व्यक्त गरे । विद्यार्थीको सिकाइ समाजले पनि मुल्यांकन गरिरहेको हुन्छ भन्दै विद्यार्थीहरुलाई ब्यवहारिक ज्ञानमा ध्यान दिनु पर्ने बताए ।
२०६३ सालमा स्थापित विद्यालय लुम्बिनी क्षेत्रबाट उत्कृष्ट नतिजा ल्याउदै आएको छ । कार्यक्रममा एसईई उत्तीणर् विद्यार्थीहरुलाई मायाको चिनो दिएर सम्मानित गरेको थियो । २०७१ सालबाट एसएलसीमा सहभागी गराउदै आएको विद्यालयले शैक्षिक सत्र २०८० मा ४६ जनालाई सहभागी गराएको विद्यालयका प्रबन्ध निर्देशक पिताम्बर न्यौपानेले बताए ।
विगतमा पनि उत्कृष्ट नतिजा ल्याउदै आएको विद्यालयले बधाई तथा शुभकामना कार्यक्रममा सर्वोत्कृष्ट नतिजा ल्याउने सुप्रिया मिश्रा र शैलेन्द्र कुमार यादवलाई नगद सहित सम्मान गरेको छ । साथै, स्कुलको उत्कृष्ट एसईई नतिजाका लागि योगदान दिने शिक्षक, कर्मचारी लाईसमेत सम्मान गरिएको थियो ।
विद्यालयका प्रिन्सिपल जोखन प्रसाद यादवको अध्यक्षतामा भएको कार्यक्रमको संचालन शिक्षक श्याम मोहन यादवले गरेका थिए भने स्वागत शिक्षिका यशोधा खड्काले गरेकी थिइन ।
