बुटवल, ३ भदौ । फर्निचर उद्योगका लागि आवश्यक सामान उत्पादन गर्दै आएको एक्रो केम इण्डष्ट्रिज प्रालि, भरतपुर चितवनले रुपन्देहीको शंकरनगर वनवाटिकामा “कार्पेन्टर भेटघाट” कार्यक्रम सम्पन्न गरेको छ । कार्यक्रममा करिब १०० जना सहभागी भएका थिए ।
बुटवलमा रहेका फर्निचर उद्योगी, हार्डवेयर व्यवसायी, प्लाई व्यवसायी तथा कार्पेन्टरहरूको सक्रिय सहभागिता रहेको कार्यक्रममा सेल्स एण्ड मार्केटिङ म्यानेजर सुजनबाबु लोहनीले उद्योगको वस्तुस्थिति र बजार विस्तारबारे जानकारी गराएका थिए । उनले एक्रो कोल मरिटाइम, एक्रो कोल एसएच, राइनो कोल एसएच, राइनो कोल डब्लुजी र एबिसी कोल जस्ता उत्पादनले फर्निचर उद्योगलाई सजिलो र प्रभावकारी बनाउन ठूलो योगदान दिएको बताए ।
लुम्बिनी प्रदेशको आधिकारिक बिक्रेता न्यू लक्ष्मी शुभ ट्रेडर्स, कालिकानगर बुटवलका सन्तोष थापाले लुम्बिनी प्रदेशमा एक्रो केमका उत्पादनहरू प्रति व्यवसायीहरूको विश्वास बढ्दो रहेको बताए । उनले उत्पादनको गुणस्तर र उपलब्धता सहज भएकाले यसले स्वदेशी फर्निचर उद्योगलाई मजबुत बनाउन मद्दत पु¥याइरहेको धारणा राखे । त्यसैगरी फर्निचर संघ रुपन्देहीका उपाध्यक्ष नेत्र रुचाल, उत्पादन प्रमुख कृष्ण खनिया, विशाल घिमिरे र नेपाल पुँजी बजार संघ लुम्बिनी प्रदेश संयोजक माधव पाण्डेले मन्तव्य राख्दै एक्रो केमका उत्पादनले बजारमा प्रतिस्पर्धात्मक गुणस्तर कायम गर्न सफल भएको बताए ।
उनीहरूले आयात प्रतिस्थापन गर्दै स्वदेशी उद्योगलाई प्रवद्र्धन गर्ने कार्यमा एक्रो केमको भूमिका महत्वपूर्ण रहेको उल्लेख गरे । उद्योगको भगिनी संस्था राजदूत पेन्ट्स प्रालिले पनि निर्माण तथा फर्निचर क्षेत्रमा योगदान गर्दै आएको जानकारी दिइएको थियो । कार्यक्रमका सहभागीहरूले यस्तो भेटघाटले उद्योग, व्यवसायी र उपभोक्ताबीचको सम्बन्ध अझ प्रगाढ बनाउने र स्थानीय उद्योगलाई अझ मजबुत बनाउने विश्वास व्यक्त गरे ।
