परासी
सामुदायिक क्याम्पस भन्नासाथ पढाइ कमजोर हुन्छ, भन्ने बुझाइका कारण धेरै अभिभावक निजी क्याम्पसप्रति आकर्षित छन् । तर पछिल्लो पटक शैक्षिक गुणस्तर सुधार गर्दै सामुदायिक क्याम्पस पनि अब्बल बनिरहेका छन् ।
धेरै सामुदायिक क्याम्पस निजी क्याम्पसलाई चुनौती दिने अवस्थामा पुगेका छन् । यसको जीवन्त उदाहरणको रुपमा पश्चिम नवलपरासीको रामग्राम नगरपालिका–४ स्थित जितपुरमा रहेको पाल्ही बहुमुखी क्याम्पस यतिबेला विद्यार्थी आकर्षणको केन्द्र बनेको छ । क्याम्पसले गुणस्तरीय शिक्षा दिँदै उत्कृष्ट नतिजा ल्याउन थालेपछि विद्यार्थीको चाप ह्वात्तै बढेको क्याम्पस सञ्चालक समितिका अध्यक्ष राधेश्याम पाठकले बताए ।
यो जिल्लाकै अब्बल र क्याम्पस रुपमा स्थापित हुन थालेको छ । उनले पहिला यस क्याम्पसमा न्यून विद्यार्थी संख्या रहेको थियो, तर पछिल्लो समयमा यस क्याम्पस विद्यार्थीको चाप बढै गएको तथा कक्षा कोठा प्रशस्त, शैक्षिक सत्र २०८१ मा बीबीएस र बीएडमा उच्च शैक्षिक नतिजा राम्रो ल्याउन सफल भएको बताए ।
पहिला २ दुई सय ५० जना विद्यार्थी यस क्यापम्समा थिए, अहिले चार सय ८० जना विद्यार्थी पठनपानठ गर्दै आएको पाठकले बताए । यस क्याम्पसलाई भौतिक पूर्वाधारमा प्रदेश सांसद, प्रदेशका मन्त्रीहरुले बजेट वडाध्यक्ष समेत गरी भौतिक पूर्वाधार र खेल सामग्रीलगायतको क्षेत्रमा समेत सहयोग उपलब्ध गराएको यसअघि रामग्राम नगरपालिका पूर्व मेयरको पालामा धेरै भौतिक क्षेत्र वा बस पनि उपलब्ध भएको अध्यक्ष पाठकले बताए ।
उनले भने–‘क्याम्पसमा विद्यार्थी संख्या ह्वातै बढेको छ भने गुणस्तर शिक्षा पनि प्रदान हुँदै आएको र नतिजा पनि उत्कृष्ठ आउन थालेको छ । क्याम्पसमा २१ जना प्राध्यापक र कर्मचारी गरी २७ जना कार्यरत छन् ।’
क्याम्पसमा स्नातक तह र स्नातक तह व्यवस्थापनमा पठनपाठन हुने गरेको क्याम्पस प्रमुख दिपक अर्यालले जानकारी दिए । उनको अनुसार भौतिक पूर्वाधार, १३ वटा कक्षा स्मार्ट बोर्ड, सूचना कम्युटर ल्याब तथा प्राविधिका कक्षाहरु सञ्चालन भईरहेको र वातावरणलगायतका कारण क्याम्पस अब्बल बन्दै गएको छ । क्याम्पसमा ७६ प्रशित छात्रा र २४ प्रतिशत छात्रहरुले पठनपाठन गर्दै आएका छन् ।
खास गरी उक्त क्याम्पसमा ग्रामीण क्षेत्रका विद्यार्थी आर्थिक क्षेत्र कमजोर भएका विद्यार्थीहरु आउने गरेका छन् । यस क्याम्पसमा रामग्राम नगरपालिका, सुनवल नगरपालिका पाल्हीनन्दन, सरावल, प्रतापपुर गाउँपालिका र छिमेकी जिल्लाका विद्यार्थीहरु आउने गरेको क्याम्पस प्रमुख अर्यालले जानकारी दिए । ४० जना विद्यार्थीलाई २४ लाख बराबरको छात्रवृत्ति प्रदान गरेको क्याम्पसले जनाएको छ । उक्त क्याम्पस क्यूएए प्राप्तिको प्रकृयामा रहेको छ ।
२०४६ सासल १२ मा त्रिभुवन विश्वविद्यालयाट सम्बन्धन प्राप्त गरी २०४६ साल असोज २ गते स्थापना भएको नवलपरासीको सबैभन्दा पुरानो क्याम्पसको रुपमा परिचित रहेको पाल्ही बहुमुखी क्याम्पसको रुपमा रहेको छ । कुल ७ बिगाह ८ कट्ठा १५ धुरमा जग्गा क्याम्पस अवस्थित रहेको छ ।
