भैरहवा । भैरहवा सहित विश्वव्यापी रुपमा १५ सय औँ मोहम्मद जयन्ती मनाइएको छ । ईस्लामिक धर्म गुरु पैगम्बर हजरत मोहम्मदको जन्म दिनकै अवसरमा रुपन्देहीको भैरहवामा ¥याली, जश्ने इद मिलादको कार्यक्रम, जीवनी वाचन, उपदेश र वाणीहरुको स्मरण गर्दे जन्मदिन मनाइएको हो ।
मुस्लिम समुदायले महत्वपुर्ण यस दिनमा उहाँको अनुसरण सबैले गर्नुपर्ने भन्दै खुशयाालीको रुपमा पर्व मनाउने गरेका छन ।
हजरत मोहम्मदको जन्म इस्लामी पात्रो हिजरी सम्वतको रब्बिउल औवल महिना को १२ तारिखका दिन बुबा अब्दुल्लाह र आमा आमिनाको कोखबाट साउदीको मक्का शहरमा भएको थियो । त्यसै दिनको खुसियालीमा यस दिनलाई मुस्लिम समुदायले जश्ने ईद मिलादुन नवि(रबिउलऔवल)को रुपमा मनाउने गरिन्छ ।
भैरहवा र आसपास रहेका दर्जन बढि मस्जिद ,मदरसा मुस्लिम संघसंगठन, धार्मिक संघसंस्था तथा मुस्लिम अगुवाहरुकोे आयोजनामा भव्य ¥याली सहित धार्मिक सभा, जीवनी र विश्वभर फैलाएको धार्मिक सन्देशको बारेमा चर्चा गरि जन्मदिन मनाइएको छ । मोहम्मदको निधन ६३ वर्षको उमेरमा साउदीकै मदिनामा भएको थियो ।
भैरहवा सहित दोगहरा, गल्लामण्डी, बसडिलिया, पक्लिहवा, खजहना, खजुरिया, कठौतिया, उदयपुर, गोलिगढ, चैनपुर, बसन्तपुर, मदरसा र मुस्लिम समुदायको हजारैाँको सहभागितामा धार्मिक झण्डा, प्लेकार्ड र ईस्लामिक सन्देशका साथ नगर परिक्रमा गरेका छन । मुस्लिम समुदायले मस्जिद मदरसा र घरघर सजाउने, एक आपसमा शुभकामना आदानप्रदान गर्ने, मिठा परिकार बनाई प्रसाद सिरनीको रुपमा दिने गरिन्छ ।
मोहम्मद जयन्तीको अवसरमा स्थानीय विभिन्न स्थानीय पालिकाहरुले सार्वजनिक विदा समेत दिएको छ । नेपाल सरकारले मोहम्मद जयन्तिमा सार्वजनिक विदा दिने भनि २०६९ साल जेठ ७ गते राष्ट्रिय मुस्लिम संयुक्त गठबन्धनसंग लिखित सम्झौता गरेपनि धर्मावल्म्बीहरुलाई मात्रै विदा दिदै आएको छ ।
