भैरहवा । जेन जी आन्दोलन पछि आगजनी र तोडफोडबाट क्षति व्योहोरेको भैरहवा भन्सार कार्यालयले अस्थायी संरचना टेन्ट टागेर भएपनि सेवा दिदै आएको छ ।

बन्द भएको भैरहवा भन्सार कार्यालयले अत्यावश्यक बस्तुको आयात र निर्यात बिहीबारबाट सुरु गरेको हो । तोडफोड र आगजनीका कारण ठप्प भएको भन्सार कार्यालयको सेवा जे जस्तो अवस्थामा भएपनि आयत निर्यात प्रभावित गर्नुहुदैन भन्ने उद्धेश्यले बाहिर टेन्ट टागेर भएपनि सेवा दिदै आएको छ ।

प्रदर्शनकारीले कार्यालयमा क्षति पु¥याएपनि त्यसको वैकल्पिक व्यवस्था गरि आगजनीबाट ध्वस्त भएका संरचनाका बाबजुद पनि अत्यावश्यक सामग्रीहरू निर्यात आयात गरिरहेको भन्सार कार्यालयका प्रमुख शिवलाल न्यौपाने जानकारी दिए ।

भन्सार कार्यालय अगाडि टेन्ट टागेर ल्यापटपबाट सेवा दिइरहेको छ । डिजिटल सिस्टममा अवरोध भएपछि म्यानुअल भएपनि भन्सार जाँचपासको काम भइरहेको छ ।