भैरहवा । रुपन्देहीको सिद्धार्थनगर ९ गोनहिया अवस्थित बाध नजिकैबाट डण्डा नदीमा वेपत्ता भएको बालकको शव फेला परेको छ ।
ओमसतिया गाँउपालिका वडा नम्बर ५ सिसहनिया बस्ने वर्ष १५ श्यामु गुप्ताको शव शुक्रबार दिउसो करिब ढेड बजे फेला परेको हो ।
बिहीबार साझ ३–४ बजेको समयमा वाध (डयाम) नजिकै भिडियो बनाउदै साथीहरु नुहाईरहेका थिए । सो क्रममा एक जान साथी डुबेको थियो । विहीबार स्थानीय, नेपाल प्रहरीको टोलीले खोजी कार्य सुरु गरेपनि फेला नपरेपछि शुक्रबार विहान देखि खोजीकार्यलाई निरन्तरता दिइएको थियो ।
वडा प्रहरी कार्यालय सहित सशस्त्र प्रहरी बल २७ नम्बर हेक्वाबाट सशस्त्र प्रहरी निरिक्षक खड्ग केसीको नेतृत्वको टोलीले शव फेला पारेको हो ।
सशस्त्र प्रहरीको विपद व्यवस्थापन टोलीले बालक डुबेको केही मिटर तल शव फेला परेको जानकारी दिएको छ । पहिला शव देखिएर केही समय पछि बग्ने क्रममा फेला परेको थियो ।
मृतक गुप्ता रोहिणीको धकधई स्थित राम नरेश माध्यमिक विद्यालयमा ९ कक्षामा अध्धयनरत रहेको स्थानीयले जानकारी दिएका छन ।
