भैरहवा । टुगा आस्था विकास बचत तथा ऋण सहकारीको ३ वटै एकाई बैठक सभा प्रस्तावहरु पारित गर्दै निर्णय प्रमाणित गरेको छ ।
रुपन्देहीको ठुटीपिपलमा केन्द्रिय कार्यालय रहेको संस्थाले ठुटीपिपल, कोटिहवा र भैरहवामा इकाई बैठकबाट छनोट भएका प्रतिनिधीहरुले विभिन्न १६ वटा प्रस्ताव पारित गरी माइन्यूट सहित निर्णय प्रमाणित गरेका हुन ।
निर्णय प्रमाणित सभासँगै संस्थाको एकीकरण पछिको सातौं वार्षिक साधारण सभा सम्पन्न भएको छ । संस्थाले शेयर सदस्यलाई व्यवसायी मुलक र आत्मनिर्भर बनाउदै आर्थिक, सामाजिक तथा सांस्कृतिक रुपान्तरणको लागि विभिन्न योजनाहरु अघि सारेको छ ।
संस्थाको अध्यक्ष डी.बि. थापाज्युको अध्यक्षतामा भएको सभामा बोल्दै प्रमुख वक्ता सहकारी अभियान्ता भिम प्रसाद तुलाचनले सहकारीका ३ स्तम्भ संचालक तथा उपसमिति, व्यवस्थापन समित र लेखा समितिले सामान भूमिका निश्पक्ष रुपमा गरे सहकारीमा समस्या नआउने बताए । उनले संस्थामा यिनैको तालमेल नमिल्दा र सदस्य एव संस्थामा दुरी बढ्दा सन्तुलन नमिली सहकारी दुर्घटनामा पर्ने बताए । सहकारीबाट विकास, समृद्धि र आत्मनिर्भर भएका धेरै मुलुकहरु रहेका उदाहरण भएतापनि नेपालमा सहकारी अभियानको भूमिका रहदा ऐन कार्यान्वयन तह फितलो भई नियमक निकाय कमजोर हुदा दुर्घटनामा पर्ने गरेको बताए ।
बजार केन्द्रित सहकारीमा मर्म विपरत काम हुनुले पनि बचत तथा ऋण कारोबार गर्ने सहकारीहरुमा समस्या आएको छ । सहकारीले सदस्यलाई व्यवसायी मुलक बनाउदै, क्षमता विकास, रोजगारी र आत्मनिर्भर बनाउने भूमिका खेल्नुपर्ने आवश्यकता रहेको बताए । सरकार कमजोर भएकोले सहकारीहरु दुर्घटनामा परेकोले निति विधि र प्रविधि अनुसार अगाडि बढे सहकारीमा रकम अपचलनको जोखिम नरहने बताए ।
कार्यक्रममा सल्लाहकारहरु लक्ष्मण कुमार थापा, जित बहादुर रासकोटी र प्रमुख सल्लाहकार तारा प्रसाद छन्तेल लगायतले बचतको तुलनामा ऋण प्रवाह बढाउनका लागि प्याकेजहरु ल्याउनु पर्ने, सदस्य र कर्मचारीहरुबीचको व्यवहार सुमधुर बनाउने पर्ने, शेयर सदस्यहरुको सुखदुखमा साथ दिनुपर्ने वतावरणको सृजना व्यवस्थापनबाट गर्नुपर्ने बताए । उनीहरुले टुगा सहकारीले सदस्य र समुदायमा पारेको सकारात्मक प्रभाव र बिश्वास जितेकोले आर्थिकको साथै सामाजिक काममा निरन्तरता लाग्न आग्रह गरे ।
कार्यक्रममा शेयर सदस्य र उत्कृष्ठ कर्मचारीलाई सम्मान गरिएको थियो । २० वर्ष अगाडि स्थापित ३ वटा सहकारी ६ वर्ष अघि एकीकृत भएको थियो । एकीकरण पछि जिल्ला भर कार्य क्षेत्र रहेको सहकारीमा हाल ७ हजार १ सय ७८ सदस्य रहेको छन ।
संस्थाका अध्यक्ष थापाले संस्थामा २०८२ को असाढ मसान्त सम्म ९० करोड पुजी भएको जानकारी दिए । यस्तै ७ करोड ७८ लाख सेयर पूंजी, ६८ करोड २ लाख बचत निक्षेप, ६३ करोड २२ लाख ऋण लगानी, संस्थागत पूंजी ६ करोड ५१ लाख रहेको छ । संस्थामा १ हजार ६७ जना बाल सदस्य समेत रहेका छन ।
