पाल्पा । पाल्पाको रैनादेवी छहरा गाउँपालिका वडा नं। ४ पिपलभञ्ज्याङ्गमा लु प ०००१ ज ००९१ नम्वरको ई भि भ्यान दुर्घटना हुँदा ३ जनाको मृत्यु भएको छ । बुधबार बिहान बुटवलबाट छहरा मेहालढापको लागि छुटेको ईभीभ्यान १० बजे छहरा बजारबाट मेहलढाप तर्फ लागेको छहराका स्थानीयवासीले बताएका छन् । घटना साढे १० बजेको सेरोफेरोमा भए पनि घटनाको जानकारी करीव साढे १ बजे भएको स्थानीयवासी ईश्वर ज्ञवालीले बताए ।
जिल्ला प्रहरी कार्यालय पाल्पाका दिएको जानकारी अनुसार इभी भ्यानमा चालक सहित ३ जना सवारी रहेको उनीहरुलाई घटनास्थलबाट उद्धार गरी अस्पतालतर्फ पठाएको जिल्ला प्रहरी कार्यालयका सूचना अधिकारी कमल प्रधानले बताए ।
स्थानीयवासीले भने घटनास्थलमा ३ जनाको मृत्यु भएको बताएका छन् । दुर्घटनामा मृत्यु हुनेको भने सनाखत भएको छैन । ईभी भ्यान सडकबाट १ हजार ५ मिटर तल खसेको बताइएको छ ।
ई
