पाल्पा
पाल्पा रिब्दीकोट गाउँपालिकाले विद्यालयमा अध्ययनरत बालबालिकाको प्रतिभा पहिचान गर्ने उद्देश्यसहित पालिकाभित्रका विद्यालयमा आधारित ‘पालिकास्तरीय प्रतिभा पहिचान’ अभियान गरेको छ । यसले विद्यार्थीलाई पाठ्यपुस्तकसँगै बाह्य विषयमा पनि चासो बढाउन प्रेरित गरेको छ ।
हरेक बालबालिकाको प्रतिभा पहिचान विद्यालयस्तरबाटै हुने गरेको छ । विद्यालयमा फरक–फरक क्षमता भएका बालबालिकाहरुको प्रतिभा बाहिर ल्याउन गाउँपालिकाले नीति कार्यक्रम र बजेटमार्फत् अभियान सुरु गरेको हो । पालिकास्तरीय प्रतिभा पहिचान कार्यक्रममा गाउँपालिकाका विद्यालयहरुबाट तीन तहका प्रतियोगिताहरु सञ्चालन भएका छन् । रिब्दीकोट गाउँपालिका शिक्षा शाखाले कक्षा १ देखि ५ सम्मका बालबालिकाहरु बिच चित्रकला प्रतियोगिता, कक्षा ६ देखि ८ सम्मका विद्यार्थीहरुबिच हाजिरी जवाफ प्रतियोगिता, र कक्षा ९ देखि १२ सम्मका विद्यार्थीहरुबिच वादविवाद प्रतियोगिता प्रतिभा पहिचान गरेको छ ।
हाजिरी जवाफ प्रतियोगितामा गाउँपालिकाभित्रका १९ वटा आधारभूत विद्यालयका कक्षा ६ देखि ८ सम्मका ५७ जना विद्यार्थीले प्रत्यक्ष सहभागिता जनाए । प्रतियोगितामा ६० प्रतिशत प्रश्न कक्षागत पाठ्यपुस्तकमा आधारित र ४० प्रतिशत समसामयिक सामान्य ज्ञानसम्बन्धी थिए । प्रतियोगितामा कालीका आधारभूत विद्यालय वडा नं. १, जोगिथुम प्रथम, भैरव मेमोरियल बोर्डिङ् स्कुल वडा नं. ४ द्वितीय र आदर्श माध्यमिक विद्यालय वडा नं. २, देउराली तृतीय भए । यस्ता प्रतिभा पहिचान कार्यक्रमले बालबालिकाको पठन पाठनमा सुधार भएको, विद्यार्थीहरुलाई सक्रिय बनाएको, विद्यालयलाई समेत जागरुप बनाएको कालीका आधारभूत विद्यालय जोगिथुमका शिक्षक नारायण कुमालले बताए ।
गाउँपालिकाले प्रत्येक शुक्रबार विद्यालयमा पठन पाठन गरी अतिरिक्त क्रियाकलापमार्फत् प्रतिभा पहिचान गर्ने नीति बनाएको छ । अतिरिक्ति क्रियाकलापमार्फत् प्रतिभा पहिचान नीति कार्यान्वयन गर्न पालिकाबाट निरन्तर अनुगमन बढाएको छ । बालबालिकाहरुलाई पठन–पाठनप्रति रुचि बढाउने, सिर्जनात्मक क्षमता विकास गर्ने र विविध प्रतिभाहरुलाई उजागर गर्न प्रतिभा पहिचान कार्यक्रम गरेको शिक्षा शाखा प्रमुख टिकाराम आचार्यले जनाए ।
वादविवाद प्रतियोगिता “सामाजिक सञ्जाल ः वरदान कि अभिशाप” विषयमा विद्यार्थीहरुले गरेको तर्क विर्तकले विद्यार्थीको जागरुपतालाई बढाएको छ । विद्यार्थीहरुले विषयको पक्ष र विपक्षमा तर्क–वितर्क प्रस्तुत गर्दै सामाजिक सञ्जालका सकारात्मक र नकारात्मक दुवै पक्षबारे जानकारी पाएका छन् । यसले उनीहरुमा विचार अभिव्यक्तिको क्षमता र विश्लेषणात्मक सोंच विकास गर्न सहयोग पु¥याएको छ । वादविवाद प्रतियोगितामा आर्दश मावि देउराली प्रथम, भवानी मावि कुसुमखोला द्वितीय र भैरव जनता मावि भैरवस्थान तृतीय भए ।
चित्रकला प्रतियोगितामा बालबालिकाले आफ्नो कल्पनाशक्ति, सृजनात्मकता र सामाजिक सन्देशयुक्त चित्र कोरे । चित्रकलाले साना कक्षाका बालबालिकामा रंग र अभिव्यक्तिको माध्यमबाट विचार प्रकट गर्ने सीप विकास गरेको छ । चित्रकला प्रतियोगितामा ज्ञानमाला मावि फेक प्रथम, लक्ष्मी मावि माल्मुङ्ग द्वितीय र भैरव मेमोरियल बोडिङ्ग स्कुल तृतीय भए ।
यस्ता कार्यक्रमले बालबालिकाको आत्मविश्वास बढाउने, प्रतिस्पर्धाको भावना विकास गर्ने र समग्र शैक्षिक गुणस्तरमा योगदान पु¥याउन सहयोग पुग्ने गाउँपालिका अध्यक्ष नारायणबहादुर कार्कीले बताए । प्रतिभा पहिचान कार्यक्रमले बालबालिकाको क्षमता विकासमा योगदान पु¥याएको छ । रिब्दीकोट गाउँपालिकाले सञ्चालन गरेको बालप्रतिभा पहिचान कार्यक्रमले विद्यालय शिक्षासँगै बालबालिकाको सिर्जनात्मक सोंच र आत्मविश्वासमा नयाँ ऊर्जा थपेको देखिन्छ । गुणस्तरीय बनाउँदै गाउँपालिका
