बुटवल । रोयल इन्फिल्ड मोटरसाइकलको आधिकारिक बिक्रेता गैरे प्रतिष्ठान प्रा.लि. बुटवलले शुक्रबार ३५० सिसि को नयाँ मेटिएर बाईकको लन्चिङ्ग गरेको छ । यो बाईक नेपालका सबै आधिकारिक बिक्रेताहरुले आज एकै  साथ विक्री शुभारम्भ गरेका छन् ।
बुटवलमा गैरे प्रतिष्ठानका संरक्षक बालकृष्ण गैरे, बुटवल उद्योग वाणिज्य संघका वरिष्ठ उपाध्यक्ष टँक प्रसाद गैरे, पश्चिमाञ्चल पेट्रोलियम डिलर्स एशोसिएसनका अध्यक्ष हिमाल गैरे र प्रतिष्ठानका अध्यक्ष प्रेम गैरेले संयुक्तरुपमा बिक्री शुभारम्भ गरेका हुन् । 
बिभिन्न ५ वटा कलरमा उपलब्ध मेटिएर मोटरसाईकल नयाँ लुक्स र स्टाइलिसमा भएको हुंदा यसमा यात्रा गर्दा आरामदायी हुनेभएकाले यो बाइकलाई क्रुजिङ्ग बाईक पनि भन्ने गरिएको छ ।
ईजि क्रुज यो बाईक फयरवल, स्टेलर, आरोरा र सुपरनोभा नामक चार भेरियन्टमा रहेको र यसको मूल्य ५ लाख ७७ हजार बाट शुरु भई ५ लाख ९७ हाजर सम्म रहेको गैरे प्रतिष्ठानका मेनेजिङ डाईरेक्टर प्रवेशराज गैरेले बताए । गैरेका अनुार यो बाईकमा एल एडी हेड ल्याम्प लगायतका धेरै सुविधाहरु उपलब्ध रहेको र दशकौं देखि रोयल ईन्फिल्डको शुद्ध र आविकल सवारी साधनको रुपमा रहेको छ ।
मेटिएर ३५० सीसी बाईक नयाँ पुस्ताका लागि निकै नै लोकप्रिय रहेको र यो बाईकलाई मोटरसाईकल बिशेषज्ञहरुले “थार ब्रैड ईजी क्रुजरको” को रुपमा मान्यता दिएको प्रतिष्ठानका अध्यक्ष प्रेम गैरेले बताए । अध्यक्ष गैरेका अनुसार शुरुवाती बर्षमै प्रतिष्ठित ईण्डियन मोटरसाईकल अफ द ईयर २०२१ मा पुरस्कृत भएको र विश्वका धेरै देशबाट पुरस्कार प्राप्त गरेको रोयल ईन्फिल्ड बाईकमा अबदेखि ७ बर्षसम्मको विस्तारित वारेण्टीको सुविधा रहेको छ ।
सन १९०१ देखि ब्रिटेनबाट निरन्तर उत्पादन शुरु भएको रोयल ईन्फिल्ड ईण्डियाको मन्द्रास र हालको चेन्नईमा १९५५ मा पहिलो उत्पादन भएको थियो भने पछिल्लो समय बिभिन्न देशका ७ आधुनिक सिकेडी प्रान्टबाट एसेम्बेलिङ्ग हुंदै आएको छ । गैरे प्रतिष्ठानले नवलपुर जिल्लाको कावासोतीमा रहेको रोयल ईन्फिल्डको शाखामा समेत नयाँ ३५० सीसीको मेटिएर बाईकको विक्री शुभारम्भ गरिएको प्रतिष्ठानका कार्यकारी प्रमुख लक्ष्मी गैरेले बताइन् । उनका अनुसार बुटलमा नयाँ भेरिएन्टको छ वटा बाईक आएकोमा लन्चिङ्गकै दिन ६ वटै बाईक बिक्री भएको छ ।