परासी । पश्चिम नवलपरासीमा समुदायका लुकेर बसेको क्षयरोगी (टीबी)लाई खोजी तथा पहिचान गर्न शिबिर संचालन गरिएको छ । जिल्लाको पाल्हीनन्दन गाउँपालिका र रामग्राम नगरपालिकामा क्षयरोगीलाई खोजी तथा पहिचान गर्न शिबिर संचालन गरिएको हो ।
तस्वास्थ्य कार्यालय नवलपरासीको समन्वय तथा बिराट नेपाल मेडिकल ट्रष्ट विएनएमटीले पाल्हीनन्दनको वडान ५ सिमावर्ती क्षेत्र गेरमी र रामग्राम नगरपालिकाको वडान १८ अमरबनमा समुदायमा लुकेर बसेका तथा किटाणु बोकेर बसेका सम्भावित बिरामीहरुको खोजी गरिएको स्वास्थ्य कार्र्यालय परासीका प्रमुख अंगद बहादुर शाहीले जानकारी दिए । उनको अनुसार क्षयरोगको लक्षण नदेखिएका तर शरीरभित्र किटाणुहरु रहेका व्यक्तिहरुलाई लक्षित गरी एआई एक्सरे प्रविधिको माध्यमबाट शिविर नै सञ्चालन गरेर उनीहरुको खोजी कार्य गरिएको शाहीले बताए ।
दुई दिनसम्म सञ्चालन गरिएको शिविरमा गेर्मीमा १७९ जनाको परीक्षण गरिएको छ । जसमा ६० जना शंकास्पद देखिएको विएनएमटीकी जिल्ला कार्यक्रम संयोजक आस्था शर्माले जानकारी दिईन । रामग्रामको अमरवानमा सञ्चालन गरिएको शिविरमा २४० जनाको परीक्षण गरिएको छ । जसमा ४० जना शंकास्पद देखिएको शर्माले बताईन । उनीहरुलाई औषधी पनि दिने उपलब्ध गराईन छ ।
व्बष्कजधब
