बुटवल । नेपाल बिलियर्ड्स पुल तथा स्नूकर संघ रुपन्देहीको आयोजनामा बुटवलमा नवौं जिल्लास्तरीय खुल्ला स्नूकर प्रतियोगिता  हुने भएको छ । संघको हालै सम्पन्न कार्यसमिति वैठकले  पुस १४ देखि अमरपथ सिंह कम्प्लेक्सस्थित खस्यौली स्नूकर क्लबमा प्रतियोगिता गर्ने निर्णय गरेको हो । प्रतियोगिता सम्पन्न गर्न विभिन्न ६ वटा उपसमितिहरु गठन गरिएको अध्यक्ष सुजन पुनले जानकारी दिए ।  जसअनुसार खेल उपसमिति  संयोजकमा विजय गुरुङ तथा सदस्यहरुमा समुन्द्र अमात्य र  लक्ष्मण आले, आर्थिक उपसमिति संयोजकमा संघका महासचिव प्रकाश क्षेत्री तथा सदस्यहरुमा प्रदीप विक र बिर्जु केसी,  प्रचार प्रसार उपसमिति संयोजकमा प्रेस सल्लाहकार टिआर शर्मा  तथा सदस्यहरुमा सुशान्त पाण्डे र मिन गाहा भएका छन् ।   यस्तै अतिथि सत्कार तथा  खाजा व्यवस्थापन उपसमिति संयोजकमा पुरन  राना तथा सदस्यहरुमा  रबिन श्रेष्ठ र सुरज पुन चयन भएका छन् भने प्राविधिक उपसमिति संयोजकमा विराट भट्टचन तथा सदस्यहरुमा रमेश मल्ल  र सागर गाहा मगर रहेका छन् । प्रतियोगिताको तयारीबारे बुधबार बसेको संघको वैठकमा बोल्दै प्रमुख सल्लाहकार सञ्जयरत्न बज्राचार्यले प्रतियोगितामा  खेलाडीहरुलाई नियम र अनुशासन पालन गरेर स्वच्छ खेल खेलाउन सुझाव दिए । अध्यक्ष सुजन पुनले  यस वर्षको प्रतियोगिता विगत भन्दा व्यवस्थित र भब्य बनाइने भन्दै प्रतियोगितालाई बुटवल उपमहानगरपालिकाले  मुख्य सहयोग गरेको उल्लेख गरे । साथै अरु संस्थागत र व्यक्तिगत सहयोगमा प्रतियोगिता सफल बनाउने बताए । संघले नियमितरुपमा हरेक वर्ष प्रतियोगितालाई निरन्तरता दिएर स्नुकर खेल लाई थप उचाइमा पुराएको महासचिव प्रकाश क्षेत्रीले बताए ।