बुटवल । स्कलर्स होम सेकेण्डरी स्कुलको ३४औँ स्थापना दिवसको अवसरमा विविध कार्यक्रम गरी मनाउने भएको छ । विगत १३ वर्षदेखि निरन्तर चलाउँदै १२औँ संस्करणको जिल्लास्तरीय अन्तरविद्यालय रनिङ शिल्ड हाजिरीजवाफ (क्बिज) प्रतियोगितासहित विविध रचनात्मक कार्यक्रम गर्ने भएको हो । 

मंगलबार विद्यालयको सि ब्लकमा पत्रकार सम्मेलन गरी पुस १० गते हाजिरीजवाफ तथा ११ गते विद्यालयको पुरस्कार वितरणसहित विविध कार्यक्रम गरिने प्राचार्य बाबुराम बञजाडेले जानकारी दिए । हाजिरीजवाफको विजेताले नगद १० हजार रुपैयाँ, शिल्ड, मेडल, प्रमाणपत्र, दोस्रोलाई ७५००, तृतीय ४५०० रुपैयाँबाट पुरस्कृत गरिने उनले बताए । अहिलेसम्म ४० विद्यालय दर्ता भएको उनले जनाए । प्रतियोगितामा कक्षा १० सम्म र एक जना छात्रा अनिवार्य हुनुपर्ने प्रावधान छ । 
गतवर्ष एभरेष्ट इङ्ग्लिस बोर्डिङ् स्कुल विजेता भएको थियो । न्यू होराइजनले दुईपटक लगातार २ पटक ३÷३ वर्ष शिल्ड लगेको छ । 

कार्यक्रममा विद्यालय व्यवस्थापन समितिका अध्यक्ष मनहरि बश्यालले सामाजिक कार्यमा योगदान स्वरुप विद्यालयमा खेल सुरु भएको बताए । विद्यालयले आइएसओ मान्यता समेत पाएको उनले जनाए । 

कार्यक्रममा विद्यालय संस्थापक शिव गुरुङले आफू भारतमा अध्ययन गरेर त्यही शिक्षा दिने गरी स्कलर्स स्थापना गरेको बताए । परीक्षाको प्रश्नपत्र अभिभावकलाई देखाउने, मार्शल आर्ट सिकाउने, औपचारिक कार्यक्रम विद्यार्थीहरुलाई जिम्मा दिने सुरुवात गरेको उनले जानकार दिए । 

कार्यक्रममा संस्थापिका लक्ष्मी गुरुङ, भाइसप्रेसिडेन्ट टिकाराम गौतमले वडा नं. ९ मा नै एकमात्र विद्यालय भएको बताए ।
हाल विद्यालयमा कक्षा नर्सरीदेखि १२ सम्म १५०० विद्यार्थी तथा बीबीएसमा डेढ सय विद्यार्थीहरु अध्ययरत छन् । जहाँ १२० जना शिक्षक कर्मचारीहरु छन् ।