परासी
सामाजिक सद्भाव निर्माण गर्न सबै सरोकारवालहरुको भूमिका महत्वपूर्ण रहेको परासीमा आयोजित एक कार्यक्रम बोल्ने वक्ताहरुले बताएका छन् । उनीहरुले सामाजिक सद्भाव निर्माण गर्न आ–आफ्नो क्षेत्रबाट लाग्न जरुरी रहेको बताए । मंगलबार परासीमा नेपालमा सिर्जना भएको विषम परिस्थितिमा सामाजिक सद्भाव तथा शान्ति निर्माण सरोकारवालाहरुसँग सुनवल सामुदायिक विकास केन्द्र सुनवलले आयोजना गरेको सद्भाव कार्यक्रम बोल्ने वक्ताहरुले यस्तो बताएका हुन् ।
पाल्हीनन्दन गाउँपालिका अध्यक्ष बैजुप्रसाद गुप्ताले सामाजिक सद्भाव कायम गर्न सबैक्षेत्र गम्भीरताका साथ लाग्नु जरुरी रहेको बताए । उनले स्थानीय तह र जिल्लास्थितका सबै राजनीतिक दलहरुको सामाजिक सद्भाव निर्माण गर्न उत्तिकै भूमिका रहेको उल्लेख गरे । अहिलेको अवस्थामा समाजबाटै सामाजिक सद्भावमा खलल पुगेको बताउँदै उनले समाजबाटै अन्त्य गर्नुपर्नेमा जोड दिए ।
अधिवक्ता सरस्वती शर्माले समाजलाई शान्त र सामाजिक सद्भाव कायम गर्न सबै क्षेत्रको ध्यान केन्द्रित गर्न र स्थानीय तहहरुले शान्ति निर्माणमा बजेट बिनियोजन गरी समाजमा सचेतना फैलाइ समाजलाई विवादरहित बनाउनुपर्नेमा जोड दिइन ।
धार्मिक एकता सञ्जाल पाल्हीनन्दनका अध्यक्ष श्रीकान्त मिश्राले घरेलु हिंसा न्यूनीकरण, बाल विवाह तथा सामाजिक सद्भाव कायम गर्न गाउँस्तरमा काम गरिहेको र सामाजिक सद्भाव कायम गर्न विभिन्न सचेतना जगाउने कार्य गरेको बताए ।
पत्रकार महासंघका अध्यक्ष केशव पराजुलीले सामाजबाटै सामाजिक सद्भावमा खलल पुग्ने भएकोले यसलाई सबै राजनीतिक दल र सबै पक्षका सरोकारवाहरुले आ–आफ्नो क्षेत्रमा सक्रिय भएर लाग्नुपर्नेमा जोड दिए ।
उनले यस विषयमा मिडियाको क्षेत्रबाट सचेत भएर सबै मिडिया कर्मीहरु लागेको जनाए ।
गैर सरकारी संस्थाकी अध्यक्ष सपना अधिकारी थापाले समाजबाटै सामाजिक सद्भाव कार्य गर्न जरुरी रहेको बर्ता्न । उनले भन्नि–‘सामाजिक सद्भावसँगै समाजमा लागुऔषध प्रयोगकर्ता र विकरलता बन्दै गएको भन्दै यसलाई समाजबाटै तिस्कार गर्नु पर्दछ ।’
कार्यक्रममा शान्ति व्यवस्थापन तथा संरक्षणका सागर गौडेलले दिगो र शान्ति तथा ठुला ठुला विवाद तथा द्वन्द्वमा स्थानीय तहको पहल र समाजमा अहिले लागुऔषध बढ्दो प्रयोगका बारेमा कार्यत्रपत्र प्रस्तुत गरेका थिए ।
सुनवल सामुदायिक विकास केन्द्र पाल्हीनन्दन गाउँपालिको समन्वय एंव यूनाइटेड मिसन टु नेपालको साझेदारीमा सञ्चालित घरेलु हिंसा न्यूनीकरणका लागि सामुदायिक मेलमिलाप तथा संवाद परियोजना २०२१ देखि पाल्हीनन्दन र प्रतापपुरमा सञ्चालित रहेको परियोजनाका कृष्ण पाण्डेले जानकारी दिए ।
