बुटवल । नेपाल जोलोजिकल सोसाइटीको केन्द्रीय अध्यक्षमा डा. हरिप्रसाद शर्मा निर्वाचित भएका छन् । जोलोजीको दोस्रो राष्ट्रिय सम्मेलनका सन्दर्भमा बुटवलमा सम्पन्न १३औं साधारणसभाले शर्माको नेतृत्वमा नयां कार्यसमिति सर्वसम्मत चयन गरेको हो । जोलोजिकल सोसाइटी प्राणी शाष्त्रमा स्नातकोत्तरदेखि विद्यावारिधी गरेका प्राज्ञिकहरुको साझा संस्था हो ।
सोसाइटीको उपाध्यक्षमा राजेन्द्र सुवाल,महासचिवमा डा. विष्णुप्रसाद भट्टराई,सचिवमा बाबुराम बन्जाडे र कोषाध्यक्षमा डा. पूजा जैसवाल निर्वाचित भएकी छन् ।
यस्तै कार्यसमति सदस्यहरुमा डा. रमा मिश्र,डा. दीपक गुप्ता,माया उपाध्याय,शालिकराम अधिकारी,डा.जगन्नाथ अधिकारी,डा. राजेन्द्र बस्यौला,गंगा शाह,चेतराज भट्ट र कमलकुमार शर्मा निर्वाचित भएका सचिव बाबुराम बन्जाडेले जानकारी दिए । नयां नेतृत्वको कार्यकाल दुई वर्ष रहेको छ ।
सोसाइटीका नव निर्वाचित अध्यक्ष डा. शर्माले सरकारी निकायहरुमा जोलोजिष्टहरुको नियुक्ति र सहभागिता न्यून रहेकाले बढाउन नीतिगत पहल गर्ने,प्रदेश स्तरमा जैविक विविधता, माछा देखि हात्तीसम्मका प्रजातिका प्राणीको तथ्यांक संकलन र अनुसन्धान, बांदर लगायत कतिपय वन्यजन्तुका कारण बालीनालीमा वर्षेनी करोडौं क्षति भएकाले बांदरको संख्या नियन्त्रण लगायत विषयमा सरकारलाई सुझाव दिने बताए ।
दुईदिने राष्ट्रिय सम्मेलनकै अवसरमा नेपाल जोलोजिकल सोसाइटी लुम्बिनी प्रदेशको पनि साधारणसभा भएको छ । साधारणसभाले कमलकुमार शर्मा अध्यक्ष रहेको नयां कार्यसमिति चयन गरेको छ । उपाध्यक्षमा अमर केसी,महासचिवमा श्रीराम न्यौपाने,कोषाध्यक्षमा कमला खत्री,सचिव अब्दुल हाकिम खान निर्वाचित भएका छन् । कार्यसमिति सदस्यहरुमा नारायण बराल,बुद्धिराम ओली,आदेश ओली,शिवराज न्यौपाने,दीपा शर्मा र विशाल आचार्य निर्वाचित भएका अध्यक्ष शर्माले जानकारी दिए ।
देशभर तीनसय जोलोजिस्टहरु रहेका सोसाइटीले जनाएको छ ।
राष्ट्रिय सम्मेलनमा डा. कुमार सापकोटा, डा. छत्रमणि शर्मा,डा. पुष्पराज आचार्य,लुम्बिनी प्रदेश पर्यटन विकास परिषदका कार्यकारी प्रमुख रामु जोशी लगायतले विभिन्न विषयमा कार्यपत्र प्रस्तुत गरेका थिए ।
((((((((((
