बुटवल । बुटवलमा हालसम्मकै ठूलो रोयल इन्फिल्ड (बुलेट) बाइक राइड हुने भएको छ । रोयल इन्फिल्ड गैरे प्रतिष्ठान बुटवलको आयोजनामा माघ २४ गते हुने बाइक राइडमा १५१ जना राइडर सहभागी हुनेछन् । बाइक राइडको रुट भने माघ १५देखि २० गते सम्म सार्वजनिक हुने गैरे प्रतिष्ठान बुटवलका एमडी प्रबेशराज गैरेले बताए । उक्त इभेन्ट हालसम्मकै ठूलो र व्यवस्थित हुने एमडी गैरेले बताए । हालसम्म १४० जना बढीले नाम दर्ता गरिसकेका गैरे प्रतिष्ठान बुटवल शो रूम म्यानेजर नारायणप्रसाद खनालले जानकारी दिए । उक्त राइडमा राइडरहरुको क्लब ह्वील्स अफ लुम्बिनी,बुटवल इन्फिल्डर्स,लुम्बिनी इन्फिल्डर्स,यलो रन्च बुटवल र ब्रदरहुड सैनामैना लगायतका क्लबहरुको सहभागिता रहने गैरे प्रतिष्ठानका लेखा प्रमुख कमल घिमिरेले जानकारी दिए ।
कार्यक्रमका विषयमा जानकारी दिन राइडर क्लबहरु र गैरे प्रतिष्ठानबीच शनिबार तिलोत्तमामा भेटघाट र छलफल समेत भएको छ ।
राइडमा जानु अघि सहभागीहरुलाई ट्राफिक प्रहरीले ट्राफिक नियम पालना लगायतका विषयमा परामर्श दिने छ । गैरे प्रतिष्ठान बुटवलका एमडी प्रबेशराज गैरेले यो मेगा इभेन्ट एकदमै अनुशासित र व्यवस्थित हुने, राइड बढीमा साढे दुई घण्टा हुने र त्यसपछि रुपन्देहीका कुनै पांच चारे होटेलमा डिनर पार्टी सहित सहभागी क्लबहरुलाई उपहार वितरण गरेर सांझ ७ बजेभित्र समापन हुने बताए । गैरे प्रतिष्ठानले गत वर्षहरुमा रानीमहल र ढोरपाटन राइड भव्यताका साथ सम्पन्न गरेको थियो ।
