गुल्मी । गुल्मीका १२ वटा स्थानीय तह बाहेकका सरकारी कार्यालय , ब्यापार व्यवसाय, सहित विभिन्न क्षेत्रबाट गत आर्थिक बर्षमा ४० करोड बढि राजश्व संकलन भएको छ ।
जिल्लाको करदाता सेवा कार्यालय र घरेलु तथा साना उद्योग कार्यालयमा गरी कुल ४० करोड ११ लाख २५ हजार ६६० रुपैयाँ राजश्व संकलन भएको हो ।
जिल्लामा सबै भन्दा ठुलो राजश्व संकलन हुने निकाय करदाता सेवा कार्यालय मार्फत ३९ करोड ८५ लाख ३१ हजार राजश्व संकलन भएको छ । लक्ष्य अनुसार नै गत आर्थिक बर्षमा राजश्व संकलन भएको त्यस कार्यालयकी सुचना अधिकारी ईन्दिरा नेपाल जानकारी दिईन ।
उनका अनुसार आयकरबाट २८ करोड ८४ लाख २४ हजार राजश्व संकलन भएको छ । भ्याट मार्फत १६ करोड ६२ लाख ९४ हजार र अन्तशुुल्क मार्फत ९७ लाख २६ हजार राजश्व संकलन भएको छ ।
गुल्मीमा क्रमिक रुपमा करको दायरामा ब्यक्ति र संघ संस्था आउने क्रम बढेको त्यस कार्यालयको विवरणले देखाएको छ । त्यस कार्यालयमा दर्ता भएका ५७ वटा अन्तशुल्क करदाता रहेका छन ।
ब्यक्तिगत ब्यबसायिक करदाताहरु ६९८ वटा रहेका छन । ब्यक्तिगत प्यानदाता १ हजार ९७९ जना रहेका छन । मुल्य अभिबृद्धि करदाताको संख्या ८१ रहेको छ भने सरकारी , संघ संस्था २ हजार ८९९ वटा रहेको सुचना अधिकारी नेपालले हामीलाई विवरण दिएकी छिन ।
तर घरेलु तथा साना उद्योग कार्यालयको विवरण हेर्दा सदरमुकामका ब्यापारिहरु दोब्बरको संख्यामा घटेको देखिएको छ । कोही सदरमुकाम बाहिर जाने त कोही रेसुङ्गा नगरपालिकाको करको दायरामा जाने भएकोले त्यस कार्यालयमा करदाता ब्यापारि घटेको पाईएको छ । त्यस कार्यालयमा गत बर्ष कुल २६ लाख ४ हजार ६६० राजश्व संकलन भएको छ ।
जस मध्ये यातायातबाट ७१ हजार ३८० , उद्योगबाट १० लाख ५२ हजार ८ सय , बाणिज्य अर्थात पसलहरुबाट १४ लाख २३ हजार २०५ रुपैयाँ राजश्व संकलन भएको त्यस कार्यालयका सुचना अधिकारी जीवन घिमिरेले जानकारी दिए ।
त्यस कार्यालयमा गत बर्ष जम्म ७३ वटा होटल तथा पसलहरुले मात्रै दर्ता नविकरण गरेका छन भने त्यसको झण्डै दोब्बर १५९ वटा होटल पसल बाहिरिएका छन । कोरोना महामारी यता सदरमुकाम तम्घासका अधिकांस होटल र पसलहरु छाडेर मानिसहरु कोही बुटवल लगायतका ठुला शहर त कोही स्थानीय तहको केन्द्रतिर पुगेका छन भने कैयौं अन्य पेशामा पलायन भएका छन ।
कोरोना महामारी ताका अन्य स्थानमा सटर र कोठा भाटा छुट दिईयो तर तम्घासमा त्यस तर्फ कसैले नसोच्दा यहाँका ब्यापारिहरु भाडा तिर्न समेत नसक्ने अवस्थामा पुगे । अर्को कुरा बुटवल लगायतका ठुला शहरबाट सिधै गाउँ गाउँमा उपभोग्य वस्तु पुग्न थाले पछि सदरमुकामको ब्यापारिक चहल पहल सुक्दो अबस्थामा पुगेको हो ।
