परासी । पश्चिम नवलपरासीको रामग्राम नगरपालिकाले पाठेघर मुखको क्यान्सर बिरुद्ध एचपिभी खोप अभियान संचालन हुने भएको छ । नगरपालिका नियमित खोप यही माघ २५ गतेदेखि २८ गतेसम्म पाठेघर मुखको क्यान्सर बिरुद्ध एचपिभी खोप अभियान संचालन गर्न लागेको हो । आज नगरपालिकामा पालिका स्तरीय खोप समन्वय समितिका बैठक मार्फत विद्यालय केन्द्रित खोप एचपिभीबारे अन्तरक्रिया कार्यक्रम नगरपालिकाले कक्षा ६ अध्ययनरत विद्यार्थी तथा विद्यालय नजाने १० देखि १४ वर्ष उमेरसम्मका किशोरीहरुलाई सो खोप लगाउने स्वास्थ शाखा जनस्वास्थ्य निरीक्षक सुरज हरिजनले जानकारी दिए ।
। उनको अनुसार पाठेघर मुखको क्यान्सरलाई न्यूनिकारण गर्न उदेश्यले यो खोप अभियान संचालन गर्न लागिएको बताए । ३५ खोप केन्द्र निधारर्ण गरिएको स्वास्थ शाखा स्वास्थ्य अधिकृत अनिल खड्काले बताए ।नगरपालिकाले संस्थागत बिद्यालय १७ वटा र निजि बिद्यालय १८ वटा ३५ वटा बिद्यालयमा पाठेघर मुखको क्यान्सर बिरुद्ध एचपिभी खोप लगाउने नगरप्रमुख एवम् नगरपालिकामा पालिका स्तरीय खोप समन्वय समितिका अध्यक्ष धनपत यादवले बताए । नगरपालिकाले ५ सय २१ जना र बिद्यालय नजाने किशोरी २८ जना गरि ५ सय ४९ जना कक्षा ६ मा अध्यनरत पाठेघर मुखको क्यान्सर बिरुद्ध एचपिभी खोप लगाउनेनगरपालिका जनाएको छ ।
प्रत्येक दिन पाठेघर मुख क्यान्सरबाट मुत्यु हुने गरेको स्वास्थ्य कार्यालय परासीका बरिस्ठ खोप अधिकृत भेषराज शर्माले जानकारी दिए । उनको अनुसार भने हरेक बर्ष १ हजार ३ सय ९३ जना महिलाहरुको पाठेघरको मुखको क्यान्सरबाट मृत्यु हुने गरेको बताए। स्वास्थ्य कार्यालयका मलेरिया ईस्पेक्टर देविलाल पौडेलले खोप अवस्थाबारे जानकारी गराउँदै महिलाहरुमा हुने क्यान्सरहरु मध्ये पाठेघरको मुखको क्यान्सर दोस्रो मुख्य कारण रहेको छ भने क्यान्सरबाट महिलाको मृत्यु हुने यो पहिलो मुख्य कारण रहेको बताए ।
