तिलोत्तमा ।  प्यारामाउन्ट बोर्डिङ हाइस्कुलमा खेलकुद सप्ताह अन्तर्गत विभिन्न प्रतियोगिताहरु सम्पन्न भएका छन् । कक्षा नर्सरी देखि १२ सम्मका विद्यार्थीहरु सहभागी गराएर सञ्चालित  खेलकुद सप्ताह अन्तर्गत दोस्रो दिन कक्षा ११ र १२ का विद्यार्थीहरूबीच विभिन्न खेलहरु सम्पन्न भएका छन्।
छात्राहरू बीच भएको टिटी खेलमा कक्षा ११ की सेजल गुरुङ प्रथम, कक्षा १२ की तारा थापा द्वितीय र कक्षा ११ कि प्राप्ति साही तृतीय  भएकी छन्। त्यस्तै 
छात्र को टिटी प्रतियोगितामा शशांक विक्रम शाही प्रथम, सबेन्द्र राना  द्वितीय र  जेनिस राजकोटी तृतीय भएका छन्। 
त्यस्तै छात्रा भलिबलतर्फ कक्षा १२ को अनुष्का न्यौपानेको समूह प्रथम र कक्षा ११ को अस्मी राजकोटीको समूह द्वितीय भएका छन्। 
यस्तैगरी छात्र  भलिबलतर्फ कक्षा ११ को बबिन गाहको समूह प्रथम र कक्षा ११ कै गौरव खरेलको समूह द्वितीय भएका छन्। यसैगरी आज छात्र छात्रातर्फ ४०० मिटर रिले दौड प्रतियोगिता, र २०० मिटर दौड प्रतियोगिता पनि सम्पन्न भएका छन्। प्रतियोगिता शुक्रवार सम्म जारी रहने प्यारामाउन्ट बोर्डिङ हाइस्कुलका  प्लस टु संयोजक लक्ष्मण अर्यालले जानकारी दिए।