गुल्मी । बुधबार बिहानै गुल्मीको मालिका गाउँपालिका ७ को घमिर सिलादि टोलमा पुग्दा बाक्लो हुस्सु लागेको थियो । बासले बारेको चुहिने छाना मुनी बसेका परिबारजनहरु जाडोले कापेका थिए । बिशेष गरि बालबालिकाहरूको अबस्था निकै कारुणिक देखियो ।
थोत्रा टिनको छानामुनि सुतेका परिबारजनहरुको बिस्तरा लिछिप्प भिजेको थियो । खरका छाना भएका परिबारको झुपडीमा बेलैमा छाउने उपाय नभए पछि डाडाभाटा देखिएका थिए । गार्हो भत्केर जोखिमपुर्ण बसाई बसिरहेका परिबारको अबस्था दयानिय देखियो ।
घमिरको टुनिखोला गाउँमा थियो उनिहरुको पुर्खेयौलि घर थियो । तर मोटर बाटोका कारण उनिहरु बिस्थापित भई तल सिलादिको सार्वजनिक जमिनमा आएर बसेका थिए आज भन्दा २५ बर्ष अघि ।
अहिले त्यस सुकुम्बासी बस्तिमा १४ घरधुरि छ्न् । कसैका झुपडीमा पनि बिधुत बत्ति छैन । २५ बर्ष देखि हरेक पटकको चुनाव विभिन्न दलका उमेदवार पुगे । आफुलाई जितए चुनाव पछि तत्काल लालपुर्जा दिलाई दिन्छौ भन्ने आश्वासन दिए । तर चुनाव जितेर गए पछि फर्केर हेरेन्न ।
हरेक पटक आशको निरास पार्दै आएका छ्न । मालिका गाउँपालिकाको प्रवेश द्वार र मोटर बाटाको छेउको गत्तिलो जमिन भएकोले त्यहि ठाउँ बाट अन्यत्रै सार्ने चलखेल भई रहेको छ । त्यस बिरुद्ध ति बस्तिका पिडितहरुले हामी सङ्ग पटक पटक गुनासो सुनाउदै आएका छ्न । बुधबार बिहान चुनावी घर दैलो गर्न नेपाली कम्युनिस्ट पार्टिका उमेदवार श्रीराम महत लगायतका नेताहरु पुगेका थिए ।
त्यो वस्तिमा भोट माग्न जाने महत युवा र पहिलो उमेदवार हुन । उनले जिते भने त्यो वस्तिको आवाज सम्बोधन गर्ने हुन कि होईन्न त्यो हेर्न बाकी छ । तर अरुले आशको निरास पारेको देख्दा भन्न मन लाग्छ हे नेताज्यु यो र यस्ता वस्तिमा अब कुन नाक लिएर भोट माग्न जानु हुन्छ ।
२०६४ सालको संविधान सभा निर्वाचनमा तत्कालीन माओवादीका उमेदवार चन्द्र बहादुर थापा सागरले पनि आफुलाई भोट दिएर जिताए तत्काल लालपुर्जा दिलाएरै छाड्ने चर्को स्वरमा प्रतिबद्धता जनाएको र ति अभागी दलितहरुले परर तालि हानेको हाम्रो कानमा अझै गुन्जिदै छ ।
आखिर उनिहरुलाई जुन जोगि आए पनि कानै चिरेको भन्ने उखान सिद्ध हुँदै आएको छ । उनिहरुको भोट अमुल्य तर लालपुर्जा नभएका कारण आधारभुत कुरा बिधुत जडान गर्न नमिल्ने यो कस्तो निति हो ? खै त नेता ज्यु यस्ता बर्ग समुदायलाई बिधुत जस्तो आधारभुत कुराको समेत अरु सो सरह सुविधा प्राप्त गर्न पाउने निति बनाएको । हिन्दि फिल्ममा एउटा गित छ ए अन्धा कानुन है ।
साच्चि नै यस्ता बर्गका लागि यो देशको नितो कानुन दृस्टी विहिन नै छ । यसर्थ अब अब दलित सहित पछाडी परेको बर्ग अबको चुनावमा मासु भात जाड रक्सि र पैसामा बिकेर होईन विवेक पुराएर आफु र भावी सन्ततिको अबस्था पनि सधै यस्तै नहोस भन्ने सोचेर अब आफ्नो बर्गको हितमा निति निर्माण गर्ने नेताहरु चिनेर रोजेर भोट दिने गरौ अन्यथा आफैले आफ्नो खुट्टामा बन्चरो नहानौ ।
