भेनेजुयलामाथिको अमेरिकी हस्तक्षेप र त्यहाँका राष्ट्रपति निकोलस मादुरोको अपहरणपछि अहिले अमेरिकाले फेरि त्यस्तै हस्तक्षेप र अतिक्रमण इरानमा गरिरहेको छ । त्यहाँका धार्मिक नेता खामेनी र उनका केही परिवारमाथि आक्रमण गरी हत्या नै गरिसकेको छ । त्यसको बदलामा इरानले पनि इजराइल अनि अरब मुलुकहरुका अमेरिकी शैन्य वेश एरियाहरुमा आक्रमण गरिरहेको छ । लगातार अहिले तीन हप्तासम्म अमेरिका, इजराइल र इरानबिच भीषण युद्ध चलिरहेको छ । दुई तीन दिनभित्र इरान कब्जा गर्ने अमेरिकी राष्ट्रपति ट्रम्पको चाहनालाई इरानले असफल पारिदिएको छ । एक प्रकारले यस युद्धमा इरान आक्रमक जस्तोे देखिएको छ भने अमेरिका इजराइल रक्षात्मक जस्तो देखिएका छन्  । राष्ट्रपति ट्रम्पले अरु पश्चिमा युरोपियन मुलुकहरुलाई सहयोगको लागि अनुरोध गरे पनि ती मुलुकहरुले त्यस्तो सहयोग नगर्ने भएका छन् । एक प्रकारले यो युद्धमा अमेरिका एक्लिन पुगेको छ । त्यही भएर अमेरिकाले वार्ताको नाटक गर्ने सुुरसारमा देखिन थालेको छ । तर इरानले त्यसलाई सिधँै नकारेको छ । त्यसका लागि केही शर्तहरु अघि सारेको छ । तै पनि कुकुर तल परे पनि माथि परे पनि काइकाई भने जस्तै अमेरिकाले जित आफ्नै भएको र इरान हारिसकेको बताउन भने छोडेको छैन ।

धेरै पहिले नै लेनिनले भनेका थिए– साम्राज्यवाद पुँजीवादको अन्तिम मरणासान्न अवस्था हो । ठीक यो अब अमेरिकी साम्राज्यवादमाथि लागू हुँदैछ । यसको उदाहरण अहिलेको यो इरानी युद्धमा देखिन थालेको छ । इरानी जनताहरुले अहिले अमेरिका, इजराइल हस्तक्षेप र अतिक्रमणविरुद्ध एक जुटभई  प्रतिकार गरिरहेका छन् । यसमा रुस, चीन, उत्तर कोरिया आदि थुप्रै राष्ट्रहरुको समर्थन भइरहेको छ । स्वयं अमेरिकी र इजराइली जनताहरु समेत यसको विरोध गरिरहेका छन् । इरान युद्ध बन्द गर, जित तिम्रो भयो रुदै कराउँदै हिडिरहेका थुप्रै दृष्यहरु देखाइरहेका छन् । तै पनि साम्राज्यवादी लुटेरा ट्रम्प र इजराइली प्रधानमन्त्री बेजामिनले इरान माथि आक्रमण गर्न छाडेका छैनन् । इरानी जनताहरुले पनि मर्न परेपछि किन डराउने अर्थात् कि मर कि गर भने जस्तै गरी एक जुट भई त्यसको प्रतिकार गरिरहेका छन् । एक प्रकारले मनोवैज्ञानिक रुपले जित इरानको भइसकेको छ । दुई तीन दिनभित्रै इरान कब्जा गर्ने ट्रम्पको घोषणा तुहिएपछि पहिलो जित त इरानको भइसकेको छ । त्यसपछि अर्काे जित इरानका विरुद्ध पश्चिमा अरु मुलुकहरुसित ट्रम्पले गरेको हारगुहारबाट पनि भइसकेको छ ।

साम्राज्यवाद र यसको नियमको बारेमा क. माओले भन्नु भएको थियो– ‘यसले गडबढी मञ्चाउँछ र विफल हुन्छ, यसले फेरि गडबढी मचाउँछ र फेरि पनि विफल हुन्छ र यसले यस प्रकार आफ्नो अन्तिम पतनको घडीसम्म यसै गरिरहन्छ, ठीक यस्तै गडबढी आज पनि अमेरिकाले विश्वभरि नै गर्र्दै आइरहेको छ । ठीक फेरि क. माओले यसको प्रतिकार जनताले पनि संघर्ष गर्नु, असफल हुनु, फेरि संघर्ष गर्नु, फेरि असफल हुनु, विजय प्राप्त नगरुञ्जेल संघर्ष गरिरहनु र उनीहरु पनि यो नीति बाहिर कहिल्यै जाने होइन, यो अर्काे माक्र्सवादी नियम भएको बताउनुभएको छ । यो नियम धेरै पहिले भियतनाम युद्धमा देखियो त्यसपछि उत्तर कोरिया क्युवामा र अफगानिस्तानमा देखियो । अहिले भेनेजुयला र इरानमा देखिन थालेको छ । त्यस्तै क. माओले साम्राज्यवाद मापाको हुन्छ, भन्दै यसको स्वभाव कहिले पनि फेरिने छैन । साम्राज्यवादले आफ्नो बगरे चुप्पीलाई कहिल्यै हाप्ने छैन । ठीक यो अमेरिकी साम्राज्यवादप्रतिको आम मान्यता विश्वका हरेक राष्ट्र र जनताले बुझिराख्नु पर्दछ ।

अमेरिकाले आफू लोकतन्त्रवादी अझ  त्यसको जननी नै भएको भन्दै आएको छ । तर यही अमेरिकी लोकतन्त्रमा फेरि यस्ता ट्रम्प जस्ता तानाशाहको उदय हुँदैछ । मानौं दोस्रो विश्व युद्धका तानाशाह हिटलर र मुसिलिनो जसले यो विश्व सबै आफू मातहत चल्नुपर्दछ । विश्व बादशाह नै भएको घोषणा गर्ने गरेका थिए । ठीक त्यही आज अमेरिकी राष्ट्रपति ट्रम्पले भन्दैछन् । भेनेजुयलामा आफ्नै निर्देशित सरकार अझ लाजै नै मानी इरानमा समेत आफू मातहतको सरकार अर्थात् अमेरिकी कठपुतली सरकार हुनुपर्ने बताएका छन् । ट्रम्पले विश्वको सबै राजनीति, अर्थतन्त्र अनि टेक्नोलोजी र प्रकृति सम्पदा सबै आफू निर्देशित मातहत हुनुपर्ने भन्दैछन् । उनको यो विश्व साम्राज्यलाई उनले भेनेजुयलादेखि अहिले इरान अनि पछि क्युवा हुँदै आइसलैण्ड र क्यानडा समेतलाई अमेरिकामा समावेश गर्ने भनिरहेका छन् । ट्रम्पको यो विश्व साम्राज्यलाई स्वयं युरोपियन मुलुकहरु समेतले स्वीकार गरेको स्थिति छैन । जसको परिणाम अहिले इरान युद्धमा अमेरिका एक्लिन पुगेको छ । अब फेरि विश्वले हिटलर र मुसिलिनी जस्तो २१औं शताब्दीका नयाँ तानाशाह बन्ने र बनाइने अवस्थामा कोही पनि देखिने स्थिति छैन । 

अमेरिका विश्वको एउटा ठूलो शक्तिशाली मुलुक हो । यस्तो हो भन्दैमा विश्वका अरु कुनै मुलुकहरु माथि यस्तो हस्तक्षेप र अतिक्रमण गर्न मिल्दैन । यसका विरुद्ध विश्वका सबै स्वतन्त्र र स्वाभाविक मुलुकहरु एक हुनुपर्दछ । अहिले यो इरानमाथिको हस्तक्षेप र अतिक्रमणका विरुद्ध विश्वका सबै मुलुकहरु एक भई अमेरिकालाई साथ दिइरहेका छैनन् । तर दुःखको कुरा हाम्रा देशका शासकहरु भने मौन छन् । यसको प्रभाव हाम्रा देशका नागरिकहरुलाई प्रत्यक्ष परिरहेको छ । अरब मुलुकमा रहेका लाखौं नेपालीहरुको अवस्था संकटमा छ । यस्तो स्थितिमा आफ्ना देशका लाखौं मजदूरहरुकोे उद्धारका लागि पनि उक्त इरानमाथि गरिएको त्यो सशस्त्र हस्तक्षेप र अतिक्रमणको विरोध गर्नुपर्दछ । उक्त युद्ध तत्काल बन्द गर्न दुवै पक्षहरुलाई आह्वान गर्नु पर्दछ । नत्र भने साढेको जुधाई बाच्छाकोे मिचाई भने जस्तै अमेरिका, इजराइल र इरानको लडाइ, तर लाखांै नेपालीहरुका मिचाइ भइसकेको छ । नेपाल सरकार भने रमिते मात्रै भइरहेको छ । 

इरानमाथिको यो अमेरिकी आक्रमणले नेपाललाई भने राम्रो पाठ सिकाएको छ । पहिलो पाठ त देश सानो वा ठूलो वा गरिब वा धनी जे होस् मुख्य त त्यो देशको स्वतन्त्रता र स्वाधिनताका लागि जनताको ठूलो त्याग, तपस्या र बलिदान गरेका छन् । जुन कुरा अहिले इरानी जनताहरुले प्रदर्शन गरिरहेका छन्  ।  नेपालको हकमा पनि त्यसले नेपाली जनताहरुको हौसला बढाएको छ । हुन त हाम्रो पुरानो इतिहास नै यस्तै छ । नेपाल–बेलायत बिचको लडाइँ हाम्रो वीरताको गाथा नै बनेको छ । अब पनि त्यस्तै विरताको गाथा नगरी नयाँ र उन्नत नेपाल बन्दैन । अर्काे पाठ यदि कुनै हालतमा यस्ता विश्व साम्राज्यवादी शक्तिहरु यहाँ नेपालमा भित्राउने काम भएमा हालत के हुने रहेछ र अरब मुलुकहरुमा अहिले देखिएका यो द्वन्द्वको प्रभाव र असरले प्रष्ट पारेको छ । खाई न पाई छालाको टोपी लाइ भने जस्तै अरब मुलुकहरुले त्यत्तिकै आपत र विपत पाइरहेका छन् । साढेको जुधाई बाच्छाको मिचाइ भने जस्तै अहिले अमेरिका सेना राख्न दिएको प्रतिफल ती अरब मुलुकहरुले भोगिरहेका छन् । ठीक यो अवस्था कुनै कारण अमेरिकी सेना नेपाल भित्रिए  यहाँ पनि त्यस्तै हुने निश्चित छ । एमसीसी  त नेपालमा भित्रिसक्यो । अब एसपीपी भित्रिने तरखरमा छ । अमेरिकाले घण्टी पार्टीको विजयलाई स्वागत गर्दै सुरक्षा चाँसो राखिसकेको छ । त्यो भनेको एसपीपी सन्धि सम्झौता गर्ने भनेको हो । गत भाद्र २३ र २४ को जेनजी आन्दोलन अनि रास्वपाको यो चुनावी विजय आदिले नेपालमा अमेरिकाको उपस्थितिलाई अझ बढी आधार निर्माण गरेको छ । हालै भएको अमेरिका, इजराइल र इरान युद्ध र त्यसले अरब मुलुकहरुमा पारेको प्रत्यक्ष असर जस्तै नेपालमा पनि नपरोस् भन्नका लागि अहिलेदेखि नै जनस्तरबाट खरबदारी गरिरहनु पर्ने भएको छ । 

स्वयं हिजो सदनबाट एमसीसी पारित गराउने कांग्रेस–एमाले र माओवादीहरुले पनि सोचुन र विचार गरुन् । यो गर्नु गलत भएको रहेछ । आत्मआलोचना गर्दै यसको खारेजीको लागि सबै एक होउन । हिजो एमसीसी पारित गर्दा यी नेताहरुले जे बोले पनि अब गल्ती स्वीकारे जनताले माफी दिने नै छन् । चारपाटे मुडेर थानकोट काट्नै परेन । गल्ती स्वीकार गरे पुगिहाल्छ । नत्र भने देशभक्त नेपाली जनताले चारपाटे र थानकोट कटाउने मात्रै होइन एक युरोपी शासक चाउ चेस्कोलाई जस्तै लछार पछार टुक्राटुक्रा पारी सिध्याउने छन् । अन्त्यमा विश्व साम्राज्यवादको असली चरित्रमाथि माओका भनाइहरुले स्पष्ट पारेको छ । साम्राज्यवाद जहाँ जान्छ त्यहाँ यस्तै नरसंहार नै गर्ने गरेको उदाहरण इराक, इरान, अफगानिस्तान, युक्रेन आदिको छ । त्यसैले हामी सबै सचेत बनौ नेपाल कुनै पनि हालतमा यस्तो मुलुक नबनोस् एमसीसी र एसपीपी नेपालमा चाहिंदैन । नेपाललाई युक्रेन, इरान जस्तै बनाउन पाइदैन ।