देशभक्त नेपालीलाई अपीलः
झपेन्द्र जिसी
गुजराततिर स्थायी बसोबास भएका केही वर्षयता दिल्ली दरबारमा बसोबास गर्ने मोदी भन्ने मान्छेले उद्घोष गरेको छ–‘भारत, इरान, इजराइलबिचको युद्धमा कता छ भनेर कोही अलमल हुनुपर्दैन । हामी इजरायलको पक्षमा छौं वा भारत इजरायलको पक्षमा छ ।’ यो भनाइ तिनै भारतीय प्रधानमन्त्री नरेन्द्र मोदीको हो । उनले थप भनेका छन्– इरानलाई ध्वस्त पार्ने हो । इरान ध्वस्त भएपछि पाकिस्तानलाई ध्वस्त पार्ने हो । त्यसपछि नेपाल, बंगलादेश, श्रीलंका र अफगानिस्तानलगायतलाई त विना युद्ध शान्तिपूर्ण ढंगले समेटेर अखण्ड भारत निर्माण गर्ने हो । यो भारती शासक नरेन्द्र मोदीको हो । त्यसो त छिमेकी देशहरुलाई निल्ने भोक भारतलाई सन् १९४७ देखि नै लागेको हो । जवारहारलाल नेहरु, गुजराल, इन्दिरा गान्धी सबैको चाहना यही नै थियो र हो । सहयोग र पञ्चशीलको सिद्धान्त वकालत त गर्ने, तर व्यवहार भने त्यसको विपरीत इतिहासदेखि नै गर्दै आएको छ । त्यसैको परिणाम हो स्वतन्त्र र साम्प्रभु देश सिक्किमलाई भारतीकरण गर्नु । त्यसकै परिणाम हो । सुस्ता, महेशपुराजस्ता नेपालका अभिन्न अंगलाई आफ्नो भनी दाबी गर्नु ।

त्यसैको परिणाम हो सुगौली सन्धिले समेत स्वीकार गरेको लिपुलेक, लिम्पियाधुरा र कालापानीमाथि भारतीय सैन्य शक्ति  तैनाथ गरिनु । त्यसकै चरित्र प्रदर्शन हो जेनजी आन्दोलन मच्याएर केपी ओली सरकार ढाल्नु र नेपालको संविधानविपरीत सुशीला कार्की नामको कथित नागरिक सरकार गठन गरिनु र पुनः फागुन २१ गते निर्वाचनको नाटक मञ्चन गरिनु । यी सबै काम गर्नमा अमेरिकन शासक गुटको समेत स्वार्थ रहेको देखिन्छ ।  

प्रिय नेपाली स्वाभिमानी देशभक्त पुर्खाका सन्ततिहरु ! यो पंक्तिकार अमुक सरकारको पृष्ठपोषक र अमुक सरकारको विरोधी होइन र छैन ।

यो लेखकको अभीष्ट एउटा मात्र छ, त्यो हो सार्वभौमसत्ता सम्पन्न र स्वतन्त्र मेरो देश नेपालमाथि कसैले घुनपुत्लो नलगाओस् । मेरो देश नेपालको अस्तित्व र अस्मिता नमेटियोस् । मेरो देश नेपाल र नेपाल नेपाली जनताले सिक्किमले झैं दुर्दिन भोग्न नपरोस् । विश्वमान चित्रमा नेपालको सूर्य चन्द्र अंकित झण्डा फरफराइरहोस् ।

महाशय मोदीजी, ठूल्दाइ हुँ भनी बढी फूतिफार्ती नगर, फुरीफुरी नगर । तिम्रो देश भारतभन्दा मेरो देश नेपाल धेरै जेठो छ । इतिहासमा ब्रिटिस कम्पनी सरकार कालदेखि मेरो देशको सीमा भित्रका भूभागहरु लुट्यौं । कुमाउ, गढबा लुट्यौं ! दार्जिलिङ्ग र सिक्किम लुट्यौं ! लुट्नसम्म लुट्यौं । तिमी जस्तै लुटाहा मै हुँ भन्ने तिमी जस्तै लुटहा अमेरिकी उन्मादलाई इरानले नै स्वाद चखाउँदै छ !  लुटहा साम्राज्यवादी अमेरिका जस्तालाई परास्त गर्दैछ । आफ्नो साथमा अघोषित रुपमा अमेरिकी महाशक्ति रहेको छ भन्ने कुराले मोदीजीको तुजुक बढेको हुन सक्छ । शक्ति संघर्षका क्रममा अमेरिकी साम्राज्यवादकाविरुद्ध चीन रुस जस्ता उदयमान महाशक्ति राष्ट्रहरु पनि राम हेरेर हातमा दही जमाएर नबस्ने स्थिति देखिंदैछ । त्यस्तो अवस्थामा ह्रिंसक, आतंककारी अर्काको भूभाग लुटाहाको हार र शान्ति प्रिय देशहरुको विजय अवश्य हुनेछ । त्यसैले नेपाल, भुटान, बंगलादेश, श्रीलंकाजस्ता देशहरु शक्तिहीन ठानेर हेप्ने, चेप्ने, दबाउने प्रवृत्ति बन्द गर !

भनिसकिएको छ । भारत नेपालभन्दा धेरै कान्छो देश हो । याने कि नेपाल भारतभन्दा धेरै जेठो देश हो । दक्षिण एसियाकै सबभन्दा जेठो र प्राचीन देश हो । यसको सभ्य र संस्कृति जेठो छ । धर्म पनि जेठो छ । नेपालको शैव धर्म संस्कृतिलाई उछिन्ने कसले ? नेपालको हुम्ला र हुम्लाको उत्तर खाडी प्रदेशमा उत्पत्ति भएको वोनधर्म वा बोन्पो धर्म जसको मन्त्र माने पेमे हुँ ! पनि अति प्राचीन धर्म संस्कृति हो ।

बुद्ध दर्शन, धर्म, संस्कृतिको उत्पत्ति थलो लुम्बिनी कपिलवस्तु नै हो । विपस्वी बुद्ध कनकमणि बुद्ध र क्रकुच्छन्द बुद्धको आश्रम पतञ्जलीको आश्रममा पनि त यही हो । साङ्ख्यदर्शनका प्रणेनता महर्षि कपिलको आश्रम पनि हाम्रैै कपिलवस्तु हो ।

इ.पू. ५६३ मा कपिलवस्तुमा लुम्बिनीमा जन्मेका सिद्धार्थ गौतमबुद्ध जसले चार आर्य सत्य  प्रतिपादन गरे । मानव मुक्तिका लागि अष्टाङ्गिक मार्ग (आठ उपाय) को र विपसना ध्यान योगको प्रतिपादन पनि त यहीं भएको हो । बुद्धलाई एसियाका तारा विश्व शान्तिका अग्रदूत भनेर विश्वले स्वीकारेको छ । ओममणि पद्मे हुँ बुद्ध दर्शन धर्म संस्कृतिको मन्त्र हो ।

भारतीय शासकहरु नेपालको अथाहा सभ्यता, संस्कृति देखेर ¥याल काडेका छन् र नक्कली कपिलवस्तु, नक्कली लुम्बिनी, बुद्धका बाबु शुद्धोधनको नक्कली दरबार  र कपिलवस्तु–लुम्बिनीको आडमै बनाएर बुद्धको जन्मस्थल भारतमा भएको दाबी गर्र्दैछन् । त्यति मात्र होइन बुद्धको जन्मस्थल भारतमा भएको दाबी गर्र्दैछन् । त्यति मात्र होइन बुद्धले प्राप्त गरेका बोद्धी गान गयामा हो भनेर ठेलीहरु लेखी लेखाएर नेपाली कथित विद्वानहरुको गिदीमा लिदी भरिदिएका छन् ।

साँचो कुरा के हो भने सिद्धार्थ बुद्ध महाज्ञानी थिए । ज्ञानको खोजीमा उनी आजीवन लागिरहे । ज्ञानले तृप्त कोही पनि हुँदैन । तृप्ती प्रगतिको बाधक हो ।

सिद्धार्थ गौतम बहुला वा पागल थिएनन् । लुम्बिनी कपिलवस्तुमा बोधी ज्ञान प्राप्त गरेर सारनाथ गई उनले देशना (उपदेश) दिन थालेको पाइन्छ । 

अन्धकार रातमा महाभिनिस्ष्क्रिमण वा दरबार छोड्नुको अर्थ घर  परिवारले थाहा नपाऊन भनेर नै हो । थाहा पाएमा परिवारले जाने अनुमित दिँदैनन् भनेर नै हो । 

प्रिय मित्रहरु ! सम्राट अशोकले लुम्बिनी कपिलवस्तुमा आई ३ वटा अशोक पिलार वा स्तम्भ गाडेको प्रमाण अद्यापि ताजै छ । तर नेपालको सीमा पारि नक्कली लुम्बिनी र कपिलवस्तु र शुद्धोधनको नक्कली दरबार निर्माण गर्नुले भारतीय शासक वर्ग हस्तक्षेपकारी, सांस्कृतिक अतिक्रमणकारी हुन् भनेर पुष्टि गरेको छैन र ?

२०० वर्षसम्म ब्रिटिस साम्राज्यवादको गुलाम बनेको भारतलाई मुक्त गर्न नेपालका नेताहरु मनमोहन अधिकारी, बीपी कोइराला र नेपाली विद्यार्थीहरु ‘भारत छोड’ आन्दोलनमा सक्रिय सहभागी हुँदा भारतीय जेल सजाय समेत भोगेको निःस्वार्थ गुनलाई वर्तमान भारतीय शासक गुटले चटक्कै भुलेर गुनको बदला नेपाल समेतलाई गाभेर अखण्ड भारत बनाउने भन्दैछ ।
नेपाल र नेपालीलाई यो कुरा सह्य छैन । तर, केही नेपाली दलालहरु नरेन्द्र मोदीले नेपाल समेतलाई गाभेर अखण्ड भारत बनाउने भनेको फेक न्यूज झुठो समाचार हो भनेर दिल्लीको वकालत गर्र्दैछन् ।

अन्त्यमा प्रिय देशभक्त मित्रहरु ! हामी पनि अब निर्भिकताका साथ भनौं नारा गुञ्जन गरौं ! अखण्ड भारत किन ? भारत समेतलाई गाभेर अखण्ड नेपाल बनाऔं । त्यसको राजधानी दिल्ली होइन, काठमाडु बनाऔं । सधैंका कचकच किन ? खिसै खतम !