बुटवल । नेपाल भारत सिमा नाकासंग जोडिएका सिमावर्ती भारतबाट हुने किनमेललाई कडाई गरिएको छ ।
भारतिय बजार सुनौलीबाट सामान खरिद गरेर नेपाल ल्याउने वेलहिया नाकादेखि बुधबार र शनिवार लाग्दै आएको फरेनीया बजारबाट सामान खरिद गर्न कडाई गरिएको हो ।
नयाँ सरकार आएपश्चात नेपाल–भारत सीमावर्ती क्षेत्रमा पर्ने भारतीय बजारहरूमा पछिल्लो समय नेपाली नागरिकमाथि कडाइ बढाइएको हो । सिमाक्षेत्रमा प्रहरीले माईकिङ गर्दै भारतिय बजारमा किनमेल गर्न जानबाट रोक लगाएको छ भने सामान ल्याउने उपभोक्ताको सामान चेकजाँच पछि मात्रै छाडिएको छ ।
सीमापार किनमेल तथा साना व्यापारका लागि जाने नेपालीहरूले अहिले कडा जाँच, सोधपुछ र विभिन्न प्रतिबन्धको सामना गर्नुपरेको बताएका छन् । उनीहरुले नेपालमा महङ्गी नियन्त्रण नगर्ने, भारतिय बजार पनि जान नजाने प्रवृतिको अन्त गर्नु पर्ने उनीहरुको जोड छ ।
भारतीय सुरक्षाकर्मीहरूले सीमा क्षेत्रमा निगरानी बढाउँदै परिचयपत्र अनिवार्य जस्तै बनाएका छन् भने एक रुपैया भन्दा बढीको सामान ल्याउदा भन्सार तिर्नु परेपछि आम उपभोक्ता मर्कामा परेको बताएका छन् । स्थानीयका अनुसार, पहिले सहज रूपमा आवतजावत हुने सीमावर्ती बजारमा अहिले झन्झट बढेको छ ।
कडाइका कारण दैनिक ज्यालादारी गर्ने मजदुर, साना व्यापारी तथा सीमापार निर्भर उपभोक्ताहरू बढी प्रभावित भएका छन् भने नेपाली व्यवसायी भने व्यवसाय फस्टाउछ भन्नेमा आसावादी बनेका छन् ।
