बुटवल । सरकारले आजपनि देशभरका बालबालिकालाई भिटामिन ‘ए’ खुवाउँदै छ ।
(वैशाख ६–७) देशभरिका राष्ट्रिय भिटामिन ‘ए’ कार्यक्रमअन्तर्गत स्वास्थ्य तथा जनसंख्या मन्त्रालयले दुई दिन भिटामिन ‘ए’सँगै जुकाको औषधि पनि खुवाइरहिएकाे जनाइएकाे छ ।
६ महिनादेखि ५९ महिनाका करिब २२ लाख बालबालिकालाई भिटामिन ‘ए’ क्याप्सुल खुवाइदैछ भने एक वर्षदेखि पाँच वर्षमुनिका करिब २० लाख बालबालिकालाई जुकाको औषधि ‘अलबेन्डाजोल’ पनि खुवाइएकाे हाे ।
करिब ५२ हजार महिला स्वास्थ्य स्वयंसेविका र १५ हजार स्वास्थ्यकर्मी परिचालन गरिएका छन् ।
भिटामिन ‘ए’ कमिको रोकथाम तथा उपचारका लागि ०५० मा आठ जिल्लाबाट सुरु भएको कार्यक्रम ०५९ देखि देशभरि नै लागु गरिएको थियो ।
यस्तै, जुका नियन्त्रण तथा रोकथामका लागि ०५६ बाट १३ जिल्लाबाट सुरु गरिएको जुकाको औषधि खुवाउने कार्यक्रम ०६७ सालबाट सबै जिल्लामा लागु गरिएको थियो । प्रत्येक वर्ष कात्तिक र वैशाखमा भिटामिन ‘ए’ र जुकाको निःशुल्क खुवाउने गरिएको छ ।
