बुटवल । हालै प्रकाशित एसईई नतिजामा मणिमुकुन्द सेकेण्डरी स्कूल बुटवल योगीकुटीले ऐतिहासिक रुपमा उत्कृष्ट नतिजाका साथ चारजना विद्यार्थीले उच्चतम ग्रेड जीपीए फोर ल्याएका छन् ।
जीपीए फोर ल्याउने विद्यार्थीहरुमा सृजन आचार्य, सुसन अर्याल, निहार पौडेल र अनन्त भण्डारी रहेका छन् ।
यस्तै १० जनाले ए प्लस, १३ जनाले ए र ७ जनाले बी प्लस सहित शत प्रतिशत विद्यार्थी उत्तीर्ण भएका विद्यालय सञ्चालक उमापति न्यौपानेले जानकारी दिए ।
२०७३ सालदेखि एसईईमा सहभागी भएको विद्यालयले हरेक वर्ष शत प्रतिशत विद्यार्थी उत्तिर्ण गराउंदै आएको छ । यस पटक विद्यालयको इतिहासमै चार जनाको जीपीए फोर सहित सर्वाधिक उत्कृष्ट नतिजा ल्याएर नयां रेकर्ड बनाएको सञ्चालक न्यौपानेले बताए ।
