परासी । रामग्राम नगरपालिकाले उद्योगहरूमा अनुगमनलाई तिब्रता दिएको छ ।उद्योगहरूको स्थानिय स्तरमा जनगुनासो आउन थालेपछि नगरपालिकाले अनुगमन टोली अनुगमन र स्थलगत निरीक्षण गरि अनुगमनलाई तिब्रता दिईएकोे हो ।
रामग्राम नगरपालिकाको प्रशासकिय अधिकृत रिजबन अहमद अन्सारीको नेतृत्वको टोलीलनगरपालिका भित्र रहेका उद्योगहरूको अनुगमन र निरीक्षण गरेको टोलीका सदस्य सुमन ज्ञवालीले जानकारी दिए ।
अनुगमनको क्रममा उद्योगहरूमा सरसफाई नदेखिएको र कामदार दिनुपर्ने सुरक्षा सामग्री नदिएको प्रशासकिय अधिकृत अन्सारीले जानकारी दिए ।उनले उद्योगहरूले सामाजिक सुरक्षामा अबद्वता नरहेको र उद्योगहरूले आवश्यक कागजपत्रहरू नराखेको पाईएको बताए ।
अनुगमनमा देखिएको समस्या र सरसफाई नदेखिएको र कामदार दिनुपर्ने सुरक्षा सामग्री दिन र सबै आवश्यक कागजपत्र उद्योगमै राख्न निर्देशन पनि दिएको अन्सारीले बताए ।
रामग्राम नगरपालिकाको वडा १० मा रहेको गोयल स्पात लिमिटेडमा उद्योगले प्रदुषण मापन नगरेको र उद्योगमा बोरिडको खानेपानीको परीक्षण नियमित नगरेको देखिएको अनुगमन टोलि सदस्य एव वातावरण विज्ञ सुदिप पौडेलले जानकारी दिए ।
उनले बातावरणिय स्वअनुगमन प्रतिवेदन नभएको र बृक्षारोपण पर्याप्त नभएको बताए ।प्रदुषण नियन्त्रण गर्ने उचित उपकरण नरहेको पौडेलले बताए ।
कामदारहरूलाई उद्योग संचालकहरू काम लगाउदाँ उनिहरूको स्वास्थ्य ख्यालमा मास्क र चश्माहरू उपलब्ध गराउनुपर्ने तर उद्योग संचालकहरूले कामदारहरूको स्वास्थ्यमाथि खेलवाड गरेको अनुगमनको क्रममा भेटिएको छ । अरूण बेवरेजमा पनि टोलीले अनुगमन गरेको थियो ।
