परासी
जिल्लास्तरीय सरोकारवालाहरूसँग समीक्षा तथा सामाजिक परीक्षण कार्यक्रम सम्पन्न भएको छ । बेश नेपाल नवलपरासीले जिल्लामा सञ्चालित पोषणमार्फत् जीवन रूपान्तरण परियोजना सञ्चालन गरेको कार्यक्रमहरूको जिल्लास्तरीय सरोकारवालाहरूसँग समीक्षा तथा सामाजिक परीक्षण कार्यक्रम सम्पन्न गरेको हो ।
पश्चिम नवलपरासीमा पाँच वर्ष मुनिका बालबालिकाकामा कुषोषणको अवस्थाबारे जानकारी गराइएको थियो । स्थानीय तहसँगको समन्वयमा हेलेन केलर ईन्टरनेशनलले बेस नेपालमार्फत् सञ्चालन गरेको पोषणमार्फत् जीवन रुपान्तरण परियोजनाअन्तर्गत जिल्लाका सातै स्थानीय तहमा जारी पोषण लेखाजोखाका गर्ने कार्य गर्दै आएको छ ।
जिल्लामा जारी बालबालिकाको पोषण लेखाजोखाका क्रममा २२ हजार ६ सय ५४ जना बालबालिकाको जाँच गर्दा १३ दशमलव प्रतिशत कुपोषित देखिएको बेस नेपालका कार्यक्रम संयोजक शालिकराम पोखरेलले जानकारी दिए । उनको २ हजार ६ ९३ जनामा मध्यम कुषोषण र दुई सय ५० जनामा कडा खालको कुपोषण फेला परेको बताए । जिल्लाका ६ महिनादेखि ५९ महिनासम्मका कुल २२ हजार ६३६ जना बालालिकाको पोषण लेखाजोखा गर्ने लक्ष्य लिइएकोमा २२ हजार ६ सय ५४ जना बालबालिकाको पोषणको लेखाजोखा गरिएको संयोजकले पोख्ररेलले बताए ।
रामग्राम नगरपालिकामा सबैभन्दा बढी कुपोषण बालबालिका भेटिएको छ भने सबैभन्दा कम कडा कुपोषणमा सुनवल नगरपालिका रहेको छ । सुनवलमा नगरपालिका नगरपालिका तीन हजार २७ जनालाई लेखाजोखा गर्दा ४ सय ६३ जना मध्यम कुपोषण र १५ कडा कुपोषण बालबालिका भेटिएको छ । रामग्राम नगरपालिकामा तीन हजार १ सय ९३ लेखाजोखा परीक्षण गर्दा ४ सय ६३ जना मध्यम र ४७ जना कडा कुपोषण बालबालिका भेटिएका छन् ।
बर्दघाट नगरपालिकामा तीन हजार ८ सय ७ जना लेखाजोखा गरिएको जसमध्ये तीन सय ४८ जना र कडाखालको ४४ जना बालबालिका देखिएको छ । त्यस्तै सुस्ता गाउँपालिकामा २ हजार ३ सय ९३ जना बालबालिका लेखाजोखा गर्दा ३ सय ११ जना मध्यम खालको र ३७ कडाल खालको कुपोषण तथा सरावल गाउँपालिकामा २ हजार १ सय ४१ जना बालबालिकालाई लेखाजोखा गरिएकोमध्ये ४५० जना मध्यम र ३० कडा कुपोषण भेटिएको छ ।
यस्तै प्रतापपुर गाउँपालिकामा २ हजार चार सय ५० जना बालबालिकालाई लेखाजोखा गर्दा चार सय ६८ जना मध्यम र ३६ जना कडाखालको कुपोषण देखिएको तथा पाल्हीनन्दन गाउँपालिकामा २ हजार १ सय १ जनालाई लेखाजोखा गर्दा २ सय ९८ जना मध्यम र ४१ जना कडाखालको बनलबालिकालाई कुपोषण देखिएको बेन नेपालले जनाएको छ । मध्यम कुपोषण भएका बालबालिकाहरुलाई स्वास्थ्य संस्थाहरुले उपचारात्मक खाना(सुपरसिरियल प्लस) खुवाउन सुरु गरेका छन् भने कडा कुपोषणमा रहेका बालबालिकाहरुलाई नेपाल सरकारबाट प्राप्त आ.यु.टि.एफ.खुवाईएको छ ।
यसका साथै कुपोषित बालबालिकाको घरघरमा पुगेर बालबालिकाहरुलाई उपलब्ध गराइएको उपचारात्मक खाना खुवाए नखुवाएको, बालबालिकाको स्वास्थ्य सुधारको अवस्था तथा सरसफाइ र खानपानका बारेमा घरघरमा पुगेर परामर्श गर्ने कार्यलाई समेत अगाडि बढाइएको कार्यक्रम संयोजक पोखरेलले बताए ।
