तिलोत्तमा । तिलोत्तमा नगरपालिका–८ संगमटोलबासीले आफ्नो टोल सरसफाई  गरेका छन् । टोललाई सफा र स्वच्छ राख्ने उद्देश्यले टोल विकास संस्थाको आयोजनामा जनभावना चोकदेखि करहिया सामुदायिक वन अगाडिको सडक हुंदै प्रदीपनगर डांडासम्म सरसफाई गरिएको हो । 
टोलका सडक, नाली तथा सार्वजनिक स्थलमा हुने फोहोरका कारण वातावरण प्रदूषण नहोस् भन्ने उद्देश्यले समुदायस्तरबाट सरसफाइ गरिएको संस्थाका अध्यक्ष बाबुराम खरेलले बताए । 
फोहोर व्यवस्थापनलाई प्रभावकारी बनाउन नगरपालिकाले नियमित अनुगमन र आवश्यक पूर्वाधार व्यवस्थापनमा ध्यान दिनुपर्ने टोलवासीको माग छ । 
स्वच्छ र स्वस्थ वातावरण निर्माणका लागि प्रत्येक नागरिकको सक्रिय सहभागिता आवश्यक रहेको बताएका संगम दिदी बहिनी समूहकी अध्यक्ष संगिता घिमिरेले बताइन् ।  कार्यक्रममा टोल विकास संस्थाका सल्लाहकार युवराज न्यौपाने, पत्रकार टिआर शर्मा लगायतको उपस्थिति थियो ।  
तिलोत्तमा नगरपालिकाले पनि सरसफाइ तथा वातावरण संरक्षणसम्बन्धी अभियान सञ्चालन गर्दै आएको छ ।