नवलपुर । नवलपुरमा एक जना भारतीय नागरिक मृत फेला परेका छन् ।
जिल्ला प्रहरी कार्यालय नवलपुरका अनुसार पूर्वपश्चिम राजमार्गको कावासोती १६ को चालिस किलोमिटर जंगलको सडक छेउ भारतको उत्तर प्रदेश निवासी ४९ बर्षीइ अनवर खान (आधारकार्डको आधारमा) घाइते अवस्थामा फेला परेका थिए ।
उनको उपचारको क्रममा आज दिउँसो ४ः५० बजेतिर मध्यविन्दु जिल्ला अस्पताल डण्डामा निधन भएको हो ।
उनी सडकदेखि २ मिटर तल घाइते अवस्थामा भेटिएका थिए । उनको टाउकोको पछिल्लो भागमा चोट लागेको थियो ।
प्रहरीले घटनाको बारेमा अनुसन्धान गरिरहेको जनाएको छ । उनलाई कुनै सवारीले ठक्कर दिएर फालेर गएको हुन सक्ने पनि प्रहरीले आशंका गरेको छ तर मृत्युको कारण भने खुलि नसकेको प्रहरीले जनाएको छ ।
