बुटवल । रुपन्देहीको बुटवल उपमहानगरपलिका ११ देबिनगरमा रहेको नवीन औद्योगिक कदर बहादुर रीता मा.वि.ले नव आगन्तुक विद्यार्थी अभिमुखिकरण गरेको छ । कार्यक्रममा बोल्दै लुम्बिनी प्रदेश शिक्षा तथा सामाजिक विकास निर्देशनालयका निमित्त महानिर्देशक रेश्मीराज अर्यालले बै विद्यार्थी आआफ्नो क्षेत्रमा अब्बल बन्न सके व्यक्ति समाज र राष्ट्र सफल हुने बताए ।
उनले नियमित रूपमा अनुशासित भएर अध्ययन गर्ने विद्यार्थी उत्कृष्ट हुने र उमेरका हिसाबले अति संवेदनशील उमेर समूहका विद्यार्थी कक्षा ११ र १२ का भएको बताउँदै कुलतबाट बच्नु पर्नेमा जोड दिए । विद्यालय व्यवस्थापन समितिका निवर्तमान अध्यक्ष कृष्ण प्रसाद खरेलले विद्यार्थीहरु अनुशासित र लगनशील भएर अध्यन गर्न आग्रह गरे । कार्यक्रममा बहुमुखी क्याम्पसका उप प्राध्यापक तथा लोक दोहोरी प्रतिष्ठान लुम्विनी प्रदेश सचिव योगराज पोखरेल, उत्प्रेरणात्मक वक्ता डा. आविष्कार पराजुलीले सहजीकरण गरेका थिए ।
विद्यालयका प्रधानाध्यापक प्रेम बहादुर बस्नेतको अध्यक्षतामा कक्षा १२ विज्ञान समूहकी छात्रा आस्था पाण्डेयको सञ्चालनमा सम्पन्न कार्यक्रममा सहायक प्रधानाध्यापक अर्जुन खनालले विद्यार्थी आचार संहिता तथा अनुशासनको समग्र पक्षमा सहजीकरण गरेका थिए ।
सहायक प्रधानाध्यापक तथा शिक्षा समूह इन्चार्ज रोमनाथ घिमिरेले स्वागत मन्तव्य व्यक्त गरेका थिए । विज्ञान समूह इन्चार्ज लक्ष्मी नारायण चौधरीले पठनपाठनसँग सम्बन्धित विषयवस्तुहरुका सम्बन्धमा सहजीकरण गरेका थिए । कार्यक्रममा अगष्ट १० देखि श्रीलंकामा सञ्चालन हुने कराते प्रतियोगितामा ४५ केजी उमेर समूहबाट रेशमराज अर्याललाई उत्प्रेरणात्मक शुभकामना सहित रु. ५००० नगद प्रमुख अतिथिले हस्तान्तरण गरेका थिए ।
२०८० को कक्षा ८ को आधारभुत तह परीक्षामा ४ जिपिए ल्याउन सफल अन्जना ज्ञवाली र निष्मा चुदालीलाई पुरस्कार प्रदान गरेका थिए । विज्ञान, सिभिल इन्जिनियरिङ, कानुन र शिक्षा समूहका विद्यार्थीहरुका लागि आयोजित अभिमुखीकरणमा सहभागीको तर्फबाट विज्ञान समूहकी हीरा सुनार, सिभिल इन्जिनियरिङ तर्फबाट प्रसुन रेश्मीले धारणा व्यक्त गरेका थिए ।
