काठमाडौं । देशका केही नदी तथा खोलामा आज बाढीको जोखिम रहेको छ । भारीदेखि धेरै भारी वर्षाको सम्भावना रहेका क्षेत्रमा बाढीको जोखिम रहेको हो ।
जल तथा मौसम विज्ञान विभागका अनुसार ताप्लेजुङ, पाँचथर, तेह्रथुम, संखुवासभा, सोलुखुम्बु, दोलखा, रामेछाप, सिन्धुपाल्चोक, काभ्रेपलाञ्चोक, काठमाडौं, भक्तपुर, ललितपुर भएर बग्ने नदी तथा खोलामा बाढीको जोखिम छ ।
मकवानपुर, नुवाकोट, धादिङ, रसुवा, गोरखा, चितवन, नवलपरासी पूर्व, नवलपरासी पश्चिम, रुपन्देही, कपिलवस्तु, तनहुँ, पाल्पा, स्याङ्जा, लमजुङ, कास्की, पर्वत, म्याग्दी, वाग्लुङ भएर बग्ने नदी तथा खोलामा पनि बाढीको जोखिम छ ।
रुकुम पूर्व, रुकुम पश्चिम, जाजरकोट, जुम्ला, बझाङ, दार्चुला, बैतडी, डोटी, डडेलधुरा, कन्चनपुर र आसपासका जिल्ला भएर बग्ने स–साना नदीहरूको बहाव उल्लेख्य बढ्ने र आकस्मिक बाढीको मध्यम जोखिम रहेको विभागले बताएको छ ।
विभागका अनुसार आज राति कोसी, वाग्मती र गण्डकी प्रदेशका हिमाली र पहाडी भूभाग तथा लुम्बिनी प्रदेशको पहाडी र तराई भूभागका एकदुई स्थानमा भारीदेखि धेरै भारी वर्षाको सम्भावना छ ।
दिउँसो कोसी र वाग्मती प्रदेशका हिमाली र पहाडी भूभाग तथा गण्डकी, लुम्बिनी प्रदेशका पहाडी र तराई भूभाग तथा कर्णाली र सुदूरपश्चिम प्रदेशको पहाडी भूभागका एकदुई स्थानमा भारी वर्षाको पूर्वानुमान छ । यी प्रदेशका नद ितथा खोलामा बाढीको जोखिम रहेको हो
