बुटवल । सुख्खा पहिरोले बुटवल-पाल्पा सडक अवरुद्ध भएको छ । सिद्धार्थ राजमार्ग अन्तर्गत गौडेपुल नजिकै आज विहान सुख्खा पहिरो खसेपछि सडक पूर्ण रूपमा अवरुद्ध भएको हो ।
सडक अवरुद्ध हुँदा सिद्धार्थ राजमार्ग हुँदै बुटवलबाट पाल्पा, गुल्मी, स्याङ्जा, पोखरा लगायतका जिल्लाहरुमा जाने सवारीका साधन बीच बाटोमै अलपत्र परेका छन् । यसैगरी त्यताबाट बुटवलतर्फ आउने सवारीका साधनहरु पनि अलपत्र गरेका छन् । सडक खुलाउनका लागि अहिले पहिरो पन्छाउने काम भइरहेको राजमार्ग सुरक्षा तथा ट्राफिक व्यवस्थापन कार्यालय बुटवलले जनाएको छ ।
विहान करिब साढे १० बजेको समयमा पहिरो खसेर अवरुद्ध भएपछि सडक डिभिजन कार्यालय पाल्पाले सफाइको काम गरिहेको छ । सडक पूण रुपमा सञ्चालनमा आउन अझै केही समय लाग्ने बताइएको छ ।
