बुटवल । तिलोत्तमा–१, रुपन्देहीस्थित होराइजन गौतमबुद्ध माध्यमिक विद्यालयले बाढी तथा विपद्बाट प्रभावित परिवारको राहतका लागि प्रधानमन्त्री दैवी प्रकोप उद्धार कोषमा रु. ५ लाख ५५ हजार ५ सय ५५ रुपैयां सहयोग गरेको छ ।
विद्यालयका तर्फबाट रु. ५ लाख ५५ हजार ५ सय ५५ र इन्टर¥याक्ट क्लब अफ होराइजन जीबीएसका तर्फबाट रु. २५ हजार गरी उक्त रकम कोषमा जम्मा गरिएको विद्यालयले जनाएको छ ।
विद्यालयका प्राचार्य गोपालप्रसाद आचार्यले विपद्का कारण ज्यान गुमाएकाप्रति श्रद्धाञ्जली व्यक्त गर्दै शोकसन्तप्त परिवारप्रति समवेदना व्यक्त गरेका छन् । साथै विपद्पीडितको उद्धार, उपचार, राहत तथा पुनःस्थापनामा सबैले सहयोग गर्न आह्वान गरेका छन् ।
