बुटवल । भोटेकोसी नदीमा आएको विनासकारी बाढीबाट प्रभावित नागरिकहरुको राहत तथा पुनस्र्थापनाका लागि शाइन रेसुङ्गा डेभलपमेण्ट बैंक लिमिटेडले ६५ लाख रुपैयाँ आर्थिक सहयोग गरेको छ । बैंकले प्रधानमन्त्री दैवीप्रकोप उद्धार कोषमा बैंकको तर्फबाट ५५ लाख र कर्मचारीहरुको तर्फबाट १० लाख गरी कूल ६५ लाख रुपैयाँ आर्थिक सहयोग गरेको हो ।
प्राकृतिक विपतका कारण रसुवा, नुवाकोट, धादिङ, गोरखा, तनहँु, चितवनलगायतका जिल्लाहरुमा मानवीय तथा भौतिक क्षति र नागरिकहरुको दैनिक जीवन प्रभावित भइरहेको अवस्थामा राहत तथा पुनस्र्थापना कार्यमा सहयोग पु¥याउने उद्देश्यले सो कोषमा रकम सहयोग गरेको बैंकले जनाएको छ ।
‘विपतको कठिन घडीमा प्रभावित नागरिकहरुको साथमा रहँदै खोजी, उद्धार, राहत तथा पुनःस्थापनाका कार्यमा सरकार र सम्बन्धित निकायहरुलाई सहयोग पु¥याउने मानवीय कार्यमा बैंकले ऐक्यबद्धता जनाएको हो ।’– बैंकले जारी गरेको प्रेस विज्ञप्तिमा उल्लेख छ ।
बैंकले बाढीमा परी दिवंगत भएका नागरिकहरुप्रति भावपूर्ण श्रद्धाञ्जली व्यक्त गर्दै शोकसन्तप्त परिवारजनप्रति हार्दिक समवेदना प्रकट गरेको छ । साथै, बाढीमा परी हालसम्म पनी सम्पर्कमा नआएका नागरीकहरुको सकुशल उद्धार एवं घाइतेहरुको सिघ्र स्वास्थ्य लाभको कामना गरेको छ ।
शाइन रेसुंगा बुटवलमा केन्द्रीय कार्यालय रहेको एक मात्र राष्ट्रियस्तरको विकास बैंक हो । बैंकले संस्थागत सामाजिक उत्तरदायित्व वहनमा आफूलाई सधैं अगाडि उभ्याउँदै आएको छ । प्राकृतिक विपद होस् वा समुदायको आवश्यकता सबै क्षेत्रमा बैंकले सबै पक्षलाई सक्दो साथ र सहयोग गर्दै आएको छ ।
